[Eng/salwa]

المشاركة الأصلية كتبت بواسطة mar mar يا جماعه انتم ليه خدتوها بالمنظور ده انه مسيحي وبيدخل في حاجه في الدين الاسلام وانه مش من حقه يسال وقلبتوها حرب او مناظره بين الدين الاسلامي والمسيحي مش ممكن يكون مسلم ومش فاهم دينوا كويس زي معظم الشباب ليه حاولتوا تقلبوا عليه وعمالين تتريقوا وبتحطوا نفسكم في مواقف وحشه واللي يقول انا هروح اتنصر يا جماعه ياريت يبقي من غير تجريح في اللي قدامكم والله جايز يبقي مسلم ومش فاهم دينوا او واحد تايه ومش عارف يمشي تبع مين ليه عملنا هجوم وتريقه ليه مش جوبنا علي السؤال برفق ولين ولو كنت فظا غليظ القلب لتفرقوا من حولك لازم تبقي باسلوب هادي وخلي من التريقه ومناقشه في حدود السؤال بلاش نقارن او ندخل في جدل يؤدي في النهايه الي غضب اي من الطرفين ومش هنكر انا مكنتش عارفه معظم المعلومات دي يعني في احتماليه انه يكون مسلم ومش فاهم

والله يا مرمر يا بنتى انتى اللى مش فاهمة حاجة اصلك لسة صغيرة و بريئة
انتى لو تابعتى مناقشاته و السفسطة فى اكثر من موضوع و تريقته هو والمدعوين drpepo و المدعو جونى
كنت لا تقولى هذا الكلام و لا تتعاطفى معه مطلقا كما فعلت انا من قبل وكنت مشفقة جدا عليه من الرد على رجالنا الاسود المسلمين فى الموقع
و احنا لم نتخطى حدودنا من الاحترام بتاتا قبل ذلك
وانت تعلمى يا مرمر حق العلم باسلوب ماما سلوى
عمرى ما هاجمت عضو او احتديت عليه فى مناقشة
واحمل كل الاحترام لكل الاعضاء
ولكن ان يصل لان يمس المرأة المسلمة و حجابها و نقابها فى موضوع سابق و انا سكت و لم ارد عليه
ثم اتابع مناقشاته العقيمة فى مواضيع شتى و اقول رجالنا المسلمين العظام يردوا و ده طبع المسلمه المحترمة لا تتدخل فى
مناقشات بين الرجال هكذا
وطبعا انتى تعلمى رسالتى فى المنتدى باصلاح البيوت و نصح البنات و السيدات و نصح نفسى قبلكم باحترام الزوج و تقديس الزواج
و لم اقول نصح للمسلمات بل اقول كلنا مصريات و احب و احترم الجميع
و كل مداخلاتى قبل ذلك توضح احترامى للنسيج الواحد مسلم +مسيحى
لا فرق بين زوجة مسلمة و زوجة مسيحية فى واجباتها نحو زوجها وبيتها واسلوبى سابقا واضح يا مرمر


ولكن كرامتى و عزتى و كبريائى كزوجة مسلمة احترم زوجى و دينى و رسولى و ربى يحتم على عدم السكوت عندم يمس احكام الاسلام فى النساء و يسأل بإستخفاف بدينى عن عدم تعدد الازواج للمرأة المسلمة فهذا يجرح حيائى و دينى و اسلامى و لا اقبل ذلك
ثم قبل ذلك يعيب على الحجاب الاسلامى و النقاب و يرمى سلوكهم بالسوء و الانحراف
ثم ينفى و يستنكر ان السيده العظيمة البتول امنا مريم العذراء كانت تغطى رأسها من باب الحجاب و كأنه عار
وبعدين يا مرمر كل اخوانى الرجال وابنائى فى المنتدى ردوا عليه بما يليق و يوازى بل اقل مما يستحق و لم يهينه احد
فلا تلومى يا عزيزتى رجالنا المحترمين الذين يدافعون عن تعاليم اسلامنا و يغلى الدم فى عروقهم للاستهزاء باوامر ديننا و هو اللى جابه لنفسه
(ومن تدخل فى ما لا يعنيه لقى ما لا يرضيه )
واخيرا المفروض الدكتور سام يطبق مبدأ
(لكم دينكم و لى دين ) ويبحث عن حقوق المسيحيات اولى له