المشاركة الأصلية كتبت بواسطة saif el din
مع احترامى للجميع
ال ذكرة استاذ محمود جمال نقطة واحد
فى نقاط كثيرة يعنى دة مش دواء دة سلعة مش اساسية
مينفعش الوكيل يجيب قطع غيار صينى او ماليزى لازم قعط غيار اصلية وكمان بكميات معينة من الشركة الام
السؤال ال مهم اننا نخلينا ايجابين
بمعنى استاذ محمود لو حبينا اننا نوصل صوتنا الى ادارة غبور ازاى ومن يسمعنا
وهل يهتم الوكيل باراء الناس والسوق المصرى
لية حد بامكانيات غبور لا يقوم بتصنيع بعض من كماليات السيارت مش هنقول انة يصنع عربية رغم انى ارى انة لو مش هو ال بداء بتجميع وصناعة عربية فى مصر هيكون مين غيرة
لية غبور الى الان رغم انة بيصدر عربيات الى افريقيا لم يقوم بعمل مصنع كبير لة فى مصر ويزيد من عملة فى مصر فى صناعة السيارت
تنصحنا باية لتوجة كلمتنا كمستهلكين وتجار وموزعين لغبور
|
حضرتك عايز توصل صوتك لغبور تقوله ايه ؟
حضرتك نص المشاركات ع الاقل ناس بتهزر .. دا أولا
فهما فين دول الناس اللي عايز توصل صتهم لغبور
المشكله اننا ممكن نبقي ايجابيين فعلا لو اتكلمنا بمنطقيه وبجد ونحاول نفهم
الناس عايز تتكلم و متسمعش
(( بص حضرتك التحليل الاقتصادي الهايل ده في المشاركه اللي فاتت .. (
اللى بيدفع تمن العربية هوه المواطن الغلبان محدود الدخل هتقولى ازاى اللى بيشترى العربية واحد معاه تمنها ومش مهم الكام الف الزيادة هقولك هوه مين هيشترى العربية دكتور مهندس تاجر طيب دول لما يلاقوا العربيات غلت وهما العربيات اساسية طبعا بالنسبة ليهم محدش يقولى هيركبوا ميكروباصات مثلا هيعمل اية طبعا كالعادة هنلاقى الحاجة غلت وفزيتا الدكتور غلت وكيلو السكر غلى وكيلو الطماطم غلى وتسأل ليييييييه يقولك الحاجة كلها غلت جت علينا وبكدة يبقى المواطن اللى ملهوش ضهر ولا حد بيدور عليه هيدفع الزيادة فى تمن العربيات دى بطريق غير مباشر وبردوا حتى لو مش سلعة اساسية واللى بقوله مش هيحصل بجد اللى يشترى الحاجة دى بعد الاستخفاف بينا وباعزار واهية يبقى غلطان ) ... بجد انا مش عارف يعني الدكتور هيغلي الفيزيتا عشان العربيه اللي بيشتريها كل كام سنه سعرها زاد 3000 جنيه
لا وكيلوا السكر كمان بيغلي عشان غبور بيعلي السعر ... و الطماطم كمان
انا بجد مش عارف اقولك ايه يا باشا
وكمل بقه الكلام (
غبور اللى مزود بيعه وعمل اسمه هوه ان فى شركات بتركب كل اللى فيها عربيات من هيونداى يعنى تعاقدات وبكدة الرقم بيزيد بصورة كبيرة ويبقى هوه رقم واحد فى السوق ودا بينعكس بقى على الباقى يعنى اللى بيخصمة للشركات الكبيرة علشان تشترى منه الف عربية فى السنة مثلا يجى للى بيشترى واحده ويدفعة زيادة علشان الاسم وانه رقم واحد زى بالظبط مثال واحد فاتح فى حتة نضيفة وديكور وبتاع تلاقى بيبيع الحاجة اغلى من نفس الحاجة لو فى محل بسيط طبعا لان الديكور وايجار المحل بيحمله للمستهلك دا حاجة معروفه بتحصل فى اغلب السلع فى مصر لان مفيش رقيب ولا حد بيحاسب بالاختلاف مع كل دول العالم اللى مهما يحصل الحاجة سرعها ثابت )
ايه الغلط في كده ان مش فاهم
يعني ارد اقول ايه
انتوا عايزين تقولوا ماشي
مفيش مشكله بس الكلام ده ولا هو ايجابيه ولا سلبيه دا نقد لمجرد النقد
بصراجه ان مش متضايق من الاراء انا متضايق من غرابه الكلام
يا جماعه مش كده
الكلام ده ملوش رد عندي
انا بحاول اوصل صورة مش بس لغبور ... اي تاجر في مصر مش مخير دلوقتي واختيارته قليله جدا
وانا اسف يعني في الكلمه الشعب اللي عايز يقاطع العربيات عشان بتزيد 1 أو 2 %
وهو مش قادر يبطل السجاير اللي زادت 100 % يبقي شعب بيتكلم ع الفاضي
قولوا كلام ينفع يترد عليه يا جماعه لو سمحتوا عشان تلاقوا رد ينفع يتسمع ويتقبل
انما بالطريقه دي عمرنا ما هنحل مشاكلنا
احنا بنحب الكلام لمجرد الكلام و النقد لمجرد النقد كل واحد همه يكسب الحوار مش يكسب الفكره و لا يكسب معلومه جديده يقدر يستفيد بيها في حياته
وتحس ان الكلام اللي انا بقوله ما اتقراش اصلا مش ما اتفهمش
يا جماعه راجعوا مشاركاتكم تاني وخلينا نتكلم بجد
نحدد المشاكل في نقاط
نرتب المشاكل حسب اولويه سرعه الحل
نحاول ايجاد حلول للمشاكل اللي تتحل
وبدايل للمشاكل اللي متتحلش
وبعدين نبدأ ننفذ
انما احنا بنعدد في المشاكل وبس ومش عارفين حتي نحدد المشاكل فين
بننقد وضع لمجرد النقد عشان كده هنعد نغني ونرد علي بعض وعمالين نغلي وننتقد في ناس مش متعوده تتكلم ناس بتشتغل بجد
تخيل السوق المصري بدون السيارات الهيونداي
ايه رايكم تخيل سوق السيارات بدون هيونداي
وبدون غبور
اعتبروه مش موجود لو تقدروا
وقلولي كده رايم ايه
اسف علي الاطاله ، بس و الله انفعالي ده عشان احنا مش بنعرف نحدد مشاكلنا لكن بنعرف نتكلم عنها بشكل حماسي وبس
وبنفرح لو اسلوبنا كان مميز و الناس شكرتلنا فيه
وننسي اننا محتاجين نحل المشاكل و كان المشكله اتحلت لما اتكلمنا عنها بشكل حلو وعجب الناس اللي بتسمعنا
بصراحه كلامكوا الحلو فيه شكله و الحماس اللي فيه بس
لكن انا مطاعتش من المشاركات بمناقشه مفيده بصراحه
سلام
وفي انتظار مشاركات اكثر موضوعيه من ناس عايزه تحل مش عايزه تتكلم بشكل حلو