[A7MED NASSER]

حصري لمصر موتورز فقط
اول تقرير شخصي عن هيونداي النترا (الشكل القديم)

امبارح كنت مسافر القاهرة مع صاحبي بعربيته الالنترا فجت الفرصة لحد عندي
اني اعمل تقرير شخصي عن العربيه و بجد بعد التجربه اللي كانت الساعه 2:00 بلليل
علي طريق مصر المنصورة و احنا راجعين عربيه جامده اوي


طبعا جبت صور كتير للعربيه و نبدأ بيهم الاول :-














و اما الصورة دي فلها حكاية هقولهالكم الوقتي:-



زي ما انتم شايفين في الصورة العربيه جبت بيها فوق ال 120 و انا
اساسا عمري ما وصلت للرقم ده نهائيا . و انا من عادتي مش بحب الجري
بس العربيه النترا دي اول عيب فيها ان هي بتخليك تجري . تحس ان العربيه
عايزه تطير من عالارض و ده طبعا يبين ميزه موتورها الجبار




و ثانيا ًده فيديو يوضح اكتر عنها و هي ماشيه و صاحبي مصوره و احنا راجعين
علي طريق القاهره المنصورة

تحذير هام : ارجوا ان مفيش حد يزيد عن السرعه دي فالالنترا بذات و ياريت
تبقي اقل من كده لعدة اسباب اهمها:-
1. باور الالنترا مش بيفصل
2. العربيه بتبقي بعد السرعه دي خف الريشه (خفيفة جدا ً عالطريق)
3. انك كده بتعرض حياة لخطر

نشوف الفيديو:-
[youtube]

موصفات العربيه الالنترا بتاعت صاحبي و اللي مستخدمه فالتقرير:-
elantra (A) GL
اللون سماوي
الجنوط الاصليه (عاديه بطاسات)
كاسيت سي دي
تكييف عادي

مميزات السياره:-

واسعه جدا ً جداً 9/10
الشكل 8/10
الكماليات للعربيه المرفقه فالتقرير 7/10
فرامل جيده 8/10
تسارع جيد للفتيس الاتوماتيك 8/10



العيوب:-

عدم فصل الباور بعد 120 KM/H و ده اللي بيميز السيراتو عنها
خفيف علي السراعات العاليه اوي و عدم ثباتها

شكرا ً ليكم علي قرأة الموضوع و اسف علي الاطاله
و ياريت اعرف رأيكم برضوا فيها و شكراً

Ahmed Nasser