[Eng . Mano]

ايه يا جدعان اللى بيحصل ده ؟؟؟ كل ده علشان الهيونداى !!!what استفتاء كونتكت كارز فعلا كان على اكتر عربية انتشار فى مصر او بمعنى اصح : ايه العربية المفضلة بالنسبة لك ؟ و فعلا الهيونداى خدت المركز الاول ،
و اعتقد ان كورسير كان قصده ان الهيونداى تنافس الالمانى فى موضوع انتشار قطع الغيار اللى ممكن تلاقيها عند اى حد و كمان رخص اسعارها و اقتصادية التشغيل ، و المواتير الجامدة جدا ( فى الموديلات الحديثة ) ، و انتشار مراكز الصيانة . اعتقد ان كل دى عوامل لو توافرت فى ماركة معينة حتخلى الماركة دى واخدة المركز الاول فى كل حاجة ، فى القبول لدى الناس ( فى ظل الظروف الاقتصادية دى ) ، و فى الانتشار و ...........الخ . و فعلا هو عنده برده حق ان السوناتا و الافانتى الجديدة و الجينسيس و الكوبيه و ال ix35 تنافس الالمانى بجدارة للتكنولوجيا العالية جدا و المحركات الجبارة و الخامات الممتازة ، و فعلا انا ركبت السوناتا الجديدة فى اوتوماك ولاحظت ده بنفسى .
و كمان الاوروبى اصبح فيه اخطاء و عيوب قاتلة ، اقل شركة عمرها ما عملتها ( مش حقول الهيونداى ) ، زى من اسبوع فى ملحق سيارات الاهرام قريت ان شركة رينو سحبت عدد كبير جدا من الفلوانس الجديدة من دول الخليج بسبب عيوب فى صبابات المحرك . و برده كان من فترة ايام مشكلة تويوتا ، السيتروين كان فيها عيوب فى الايرباجز . و كل اللى بنسمعه عن هيونداى ( بالنسبة للعربيات اقل من 100 الف ) ان الثبات وحش بعد ال 120 ولا ال140 و الفرامل مش قد كده على السرعات العالية و الخامات ليست بالمستوى المطلوب ( و ان كانت حاجات مش قاتلة و ممكن حلها بطرق بسيطة ) 0000 ، طيب ما ده شئ متوقع فى عربيات ب 60 ولا 70 الف جنيه و منها الى متجمع كمان فى مصر ... معلش طولت عليكم ، بس الموضوع بجد شدنى و حبيت اقول رأى بحيادية . تقبلوا تحياتى ؛