ما خاب من استشار- استشارة عن شراء سيارة فى حدود 27 الف.
 

السلام عليكم ورحمة الله وبركاته
نرجو الرد على هذاالاستفسار بسرعة الله يبارك فيكم.
عاوز اجيب عربية لمدة سنة وبعد كده هابيعها ( اعادة بيعها تكون كويسة _ اقتصادية فى البنزين - قطع غيار متوفرة- تستحمل الشغل)
انا هامشى بيها يوميا حوالى 80 كيلو . وهاعمل مشوار من اسكندرية للغردقة كل شهرين .
انا ماليش خبرة فى الميكانيكا فعاوز اعطال قليلة والميكانيكيا فاهمين فيها .
انا عامل ميزانية حوالى 27 الف وياريت ما يزدش
فايه رايكم ( فيات بونتو 94_ اونو 93او 97 او 98 _ كيا برايد العصفورة -سكودا فليشيا - ولا اجيب لادا 2107 وخلاص ولا حد عنده فكرة احسن )
نرجو الرد على وجه السرعة انا بفكر اشترى بكرة ولو حد عنده فكرة احسن ياريت يقول . بجد محتاج مساعدتكم دون التحيز لاى اختيار الا من ناحية الافضل وشكرا لكل من مر بموضوعى

رد: يارب حد يرد على
 

سكودا فليشيا حلوه وماسكه سعر

ولانوس 1 نفس القصه

اهم حاجه الحاله

رد: يارب حد يرد على
 

شكرا لردك . انا عملت اربع مواضيع لغاية دلوقتى وحضرتك اول واحد ترد . انا بصراحة حابب الاونو بس حاسس ان الفليشيا اقو وهتستحمل السفر اكتر

رد: يارب حد يرد على
 

اضم صوتى للفليشيا اقوى وافضل هيا قطع غيارها اغلى بس بتعيش كتير وتستحمل السفر بتاعك بس بشرط الحالة الكويسة

رد: يارب حد يرد على
 

الفليشيا لو لقيتها حاله جيده جدا اضمن بعد صيانتها انك مش حتفكر تعمل فيها حاجه قبل سنتين ان شاء الله

بس تكون صيانه كامله فلاتر وزيوت وسيور وتربيط قواعد وعفشه

ممكن تجيب واحده فابريكه جوه وبره في حدود 33