الحل النهائى لمشكله التنطيط و المساعديين التيت لل RB
 

بسم الله الرحمن الحيم,

انا الحمد لله ربنا كرمنى و اشتريت اكسنت RB و دلوقتى ماشى بيها حوالى 13000 km العربيه ممتازه بجميع المقاييس سحب , تجميع , جرى , شكل , صالون yesyes
الا المشكله اللى كانت منغصه عليا حياتى 2 او 3 يركبوا ورا واتفرج يا معلم على السيرك اللى بيحصل اى مطب هوا صغير تحس ان العربيه بتتهبد و بتتنطط لدرجه عقدتنى و وصلت لدرجه انى كنت هابيع العربيه لحد لما شوفت تعليق لشخصيه محترمه هنا انه راح و عمل قلق فى غبور ابورواش و غيروله المساعديين بمساعديين معدليين بصراحه قلت اجرب مش هاخسر حاجه " وخاصه انى دافع شقى عمرى فيها :fun_36_3_4[1]:" ف دخلت على موقع www.hyundai-egypt.net و عملت شكوى بخصوص المساعديين و بصراحه و لاول مره احس ان فيه اهتمام ردوا عليا بايميل بعد يومين سألوا عن رقم الموتور و الشاسيه و رقم الموبيل و انهى مركز خدمه رحته و اشتكيت بسبب المساعدين و اسم المهندس اللى "نفضلك هاهاهاهاها" بصراحه انا كنت مارحتش صيانه خالص انا بغير زيت و فيلتر بره التوكيل فبعد الشرح قولتلهم ان اقرب مركز خدمه ليه و انا من السويس هوه فرع العبور , المهم تانى يوم لقيت مهندس اسمه وجدى بيكلمنى و بيقولى ان المساعدسسن مش موجودين دلوقتى و ادانى رقم واحد فى قطع الغيار اتابع معاه و بعد اسبوع بالظبط المساعديين وصلوا و الراجل بتاع قطع الغيار قال لى حاول تييجى على طول احسن يتباعوا فى ساعتها روحت على مركز غبور العبور بصراحه انا اتوهمت من الشياكه و النظافه سألت على المهندس جيه خد منى العربيه الساعه 1 و استلمتها الساعه 4:30 بعد ما غيروا المساعديين نييجى بقى للسسبنس المهم "ان ان ان اااااااااااان"
كنت واقف طبعا شايف عربيتى من فوق فى التوكيا و لحسن الحظ جابوا العربيه تحتى مباشره و كنت شايف كل حاجه و اول ما فك المساعد و جاب المساعد الجديد انا اتصدمت المساعد القديم حتت حديده انما المساعد الجديد شبه دانه الدفع هههه بصراحه فرق شاسع "المهم لازم تتأكد ان اللى هايتغير المساعديين المعدليين" وبعد كده استلمت العربيه و مشيت على الصحراوى على 180 وعمال البس مطبات علشان اجرب بصراحه العربيه اختلفت تماما العربيه بقت فوق الممتازه اللى ناقصنى ان شاء الله اجنط 205/50/R16 و العربيه هاتبقى احسن من ال BMW هاهاهاهاها

المهم يا جماعه حاولوا ما تتنازلش عن حقك العربيه اختلفت تماما و ربنا يباركلنا فيها يا رب.
http://masrmotors.com/vb/data:image/...X/AAoopWA//9k=

رد: الحل النهائى لمشكله التنطيط و المساعديين التيت لل RB
 

مبروك عليك
انا بقا العربيه متسحبش سحبتها اللي انا عارفها و صوت الموتور عالي روحت في صيانه ال 40000 غيروا زيت الفتيس الاوتوماتيك و بردوا زي ماهيا تفتكر لو بعتلهم يعملو حاجة ؟؟؟؟

رد: الحل النهائى لمشكله التنطيط و المساعديين التيت لل RB
 

حاول ويمكن ربنا يكرمك و يحلولك المشكله بس جرب مركز العبور

رد: الحل النهائى لمشكله التنطيط و المساعديين التيت لل RB
 

طب ياباشا الف مبروووووووووووك فعلا المشكلة دي مبهدلة العربية فعلا انا نفسي والله اعمل زيك وانا كلمت التوكيل ومستني الرد وربنا يسهل بس كان ليا استفسار ياريت ياباشا تقولي تكلفة الموضوع ده أد ايه ولا هما غيرهولك مجانا في الضمان ياريت الرد بس ضروووووووري عشان ربنا يكرمنا زيك ومبروووووك مرة تانيةhttp://www.masrmotors.com/vb/images/...UMB_%7E112.GIFhttp://www.masrmotors.com/vb/images/...UMB_%7E112.GIFhttp://www.masrmotors.com/vb/images/...UMB_%7E112.GIF

رد: الحل النهائى لمشكله التنطيط و المساعديين التيت لل RB
 

ربنا يخلليك ليا يا باشا,
المهم الموضوع ده عملوه على الضمان بس انا كنت عامل حسابى و سألت على تمن المساعد طلع 775 جنيه بالتركيب. بس انت يا معلم زعق و اعمل هيصه و قلق علشان يغيرهوملك على الضمان مدام ده حقك