عندي مشكلة في الكهربا بتاعت العربية - دايو لانوس 2006 كاملة
 

بسم الله الرحمن الرحيم

السلام عليكم ورحمة الله وبركاته,,

طبعا دي أول مشاركة ليا في المنتدى الرائع ده, وأرجو أن تقبلوني عضو معاكم.. http://www.masrmotors.com/vb/images/icons/icon7.gif

المهم ندخل في الموضوع:

أول حاجة أنا عربيتي دايو لانوس 2006 كاملة.

المهم بعد لما بغسلها وأنشف المية الشباكين اللي قدام بيعلقو, (بتاع السواق والراكب الأمامي), طبعا الشبابيك كهربا.

مبترضاش تفتح ولا تقفل إلا بعد ساعتين أو 3 ساعات أقل حاجة..

فمعرفش السبب ايه ايه ياترى,

في ناس قالتلي المشكلة ان الشباك وفي ناس قالت المشكلة في الكهربة بتاعت العربية.

فياريت تفيدوني.

تاني حاجة:

حاسس إن الكهربا بتاعت العربية مش مظبوطه, مثلا نور العربية الأمامي مرة الواطي يفصل ومرة العالي يفصل, وساعات تكون عين واحدة بس هي اللي شغال.

غيرت اللمبات والفيش بتاعت اللمبات قبل كده مرتين, مع العلم إن فيش اللمبات بتسيح معرفش ليه, تتوقعو المشكلة من الضفيرة كلها ولا من علبة الفيوزات ولا ايه.. ياريت تفيدوني.

واسف للإطالة.

رد: عندي مشكلة في الكهربا بتاعت العربية - دايو لانوس 2006 كاملة
 

فينكم يا جماعة؟!!

رد: عندي مشكلة في الكهربا بتاعت العربية - دايو لانوس 2006 كاملة
 

الى الصقر الجارح
وعليكم السلام ورحمة الله وبركاته

بص ياباشا مسألة الزجاج والفيش ومرة تشتغل ومرة لا وعين وعين

من الواضح جدا جدا جدا انك عندك مشكلة فى كهرباءالسيارة ونصيحة لله خدها وروح لواحد كهربائى وخد بالك مش اى كهربائى
لازم يكون بيفهم فى العربيا دية ولو عاوز نصيحة قولى وانا ابعتك لواحد تمام اوى ومش حراق يعنى سعرة مهاود
اما بالنسبة لحكاية الفيش اللى بتسيح دية اكيد معناها ان اللمبات عندك اعلى من قدرة الفيش على تحمل انارتها فأعتقد انك لازم تركب كتاوت وطبعا الكلمتين اللى فاتو دول مش هيغنوا عن انك تروح لكهربائى 0 وابقى طمنا عملت اية واية اللى كان عندك

رد: عندي مشكلة في الكهربا بتاعت العربية - دايو لانوس 2006 كاملة
 

أنا بجد بشكرك أخي الكريم على ردك..http://www.masrmotors.com/vb/images/icons/icon7.gif

فعلا ناس كتير قالولي متروح لأي كهربائي يلعب فيها.. طيب في حد معين تنصحني بيه؟
أنا موقعي في القاهرة -الجيزة.

وعلى فكرة العربية في كتاوت للنور..

وشكرا,,

رد: عندي مشكلة في الكهربا بتاعت العربية - دايو لانوس 2006 كاملة
 

اعرف واحد كويس بجوار مترو السيدة زينب ولازم تكلمة الاول على التلفون عشان لو عنده شغل واى خدمة
لو عاوز تلفونة اوك

دعواتك لى بالهداية