مصر موتورز مجتمع السيارات - عاوز اجنط ومش عارف عاوز رأيكم

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - عاوز اجنط ومش عارف عاوز رأيكم (https://www.masrmotors.com/vb/showthread.php?t=70531)

عاوز اجنط ومش عارف عاوز رأيكم

السلام عليكم
انا معايا النترا 2011 الشكل القديم وكنت عاوز اجنط العربيه وكما نصحنى الاعضاء المحترمين انى اجبهم واركبهم فى التوكيل سالت عليهم لقيت الجنط ب1800 جنيه يعنى فى الاربعه 7200 غير المصنعيه وكده كتير اوى اوى عليا .
تنصحونى اركب بره التوكيل عندى واحد فى شارع محمد نجيب فى اسكندريه عنده اطارات اشكال والوان هياخد اللى راكبين فى العربيه وادفع فرق.
ولو موافقين على الاقتراح ده اجيب جنوط 16 ولا 17 واركب عليهم الاطارات القديمه ولا اغيرهم من عنده برضه وهدفع فرق .
ولا بلاش كل ده وخلينى فى اللى راكبين فيهم وبلاش اجنط مع العلم انى بسافر كتير اوى القاهره
وفى النهايه اشكركم جميعا

رد: عاوز اجنط ومش عارف عاوز رأيكم

انا مش عارف اللى راكبين كام طيب مقاسهم ونوعهم وشكلهم ايه

فلو اللى راكبين 16 مثلا وانت هتغير ب 16 يبقى تمام وهتستخدم نفس الكاوتش
لكن لو هتغير كاوتش وجنوط هيبقى خسارة اكبر انصحك تقعد بيهم شوية وعلى معاد تغيير الكاوتش تغير كاوتش وجنوط مع بعض

وفى كل الاحوال انصحك تركب بره التوكيل لانها مش حاجة مستاهلة التوكيل وبالمبلغ ده تجيب جنوط ايطالى من ارابكم كمان
فانسى التوكيل خالص

رد: عاوز اجنط ومش عارف عاوز رأيكم

كلام ابو نورا مظبوط جدا والجنوط اللي عندك مقاس 15 ولو عايز تجنط اخرك يبقي 16 وانا نصيحة من اخوك الكاوتش اللي عندك حرام تخسره دلوقتي لان اللي بيشتري كاوتش 15 بيخفس بسعره الارض امشي بيه لحد 40 الف كيلو وبعدين غير الجنوط والكاوتش مره واحده ولو هتجنط خليك في الماليزي او الاندونيسي اوعي تجيب الصيني وتكلفة الجنوط بس هتبقي حوالي 2000 جنيه وتكلفة الكاوتش مش هتزيد عن 2000 جنيه واي واحد بتاع جنوط مشهور في اسكندرية هيعملهملك وانتا واقف وسيبك من غبور الحرامي ده الموضوع كله مش هيكلفك 4000 جنيه وهتعمل احلي شغل في العربية

رد: عاوز اجنط ومش عارف عاوز رأيكم

انا لو منك طالما بتسافر كتير مفيش احسن من الجنط الاصلى الى فيها الى هو الحديد
و مهما كان الى حتعمله
التزم بالقطر النهائى و العرض و ال offset

رد: عاوز اجنط ومش عارف عاوز رأيكم

انا افضل الحديد والله لما نويت اجنط مكنتش عارف حاجة ولما سالت على الموضوع ودورت لقيت احسن حاجة لاما الجنط اللى نازل مع العربية لاما طبعا الحديد مفيش اقوى ولا احسن منة ولو الطاسات اتكسرت او مخربشة جيب جديد وريح نفسك