مصر موتورز مجتمع السيارات - رجاء من كل ملاك الالنترا الجديدة و القديمة الدخول للأهمية

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

رجاء من كل ملاك الالنترا الجديدة و القديمة الدخول للأهمية

بسم الله الرحمن الرحيم

والدى قرر يبيع الكورولا و أنا عرضت عليه عربية عجيتنى و هى أول عربية كورى تعجبنى فى حياتى
و هى النيو الانترا 2012 بس هو قالى ايه الفرق بينها و بين الكورولا 2012 قولتله فيها كماليات أكتر و شكلها أحلى قالى نسيت حاجة وهى ال فرق بين Made In Japan و Made In Korea قولتله طبعا عارف بس ديه بتيجى مع الضمان قالى الضمان عمره مفرق معاية ولا فى الكورولا ال 2002 اللى بعتها و هى عاملة حوالى 60000 كيلو من غير مغيرلها ولا الهوا غير التيل و البطارية و نفس الحكاية مع الكورولا ال 2006 لما بعتها و هى عاملة 76000 كيلو من غير مغيرلها تيل الفرامل حتى بس غيرتلها البطارية و الأخيرة كورولا 2009 الخليجى مغيرلتهاش غير التيل بس و البطارية وهى عاملة حاليا معانا 37000.
ده كان رده و اللى فهمته انوا ميفرقش معاه التوكيل يغير على حسابه اللى يهمه أكتر ان العربية اللى هو راكبها متعطلش من أساسه يعنى هو رافض مبدأ العطل ده و عشان كده عايز أسئلكوا هل لو جاب الالنترا 2012 هتستحمل معاه 65000 من غير متعطل مرة واحدة ولا يتغيرلها سير و أى أى أى حاجة غير التيل و البطارية طبعا دول اللى مسومح بيهم بسسسسسسسسسسسسسسسسس
فا ياريت تجابونى من خلال خبرتكم وشكرا و اسف للاطالة .

رد: رجاء من كل ملاك الالنترا الجديدة و القديمة الدخول للأهمية

انا ليا قريبى معاه النتار 2009 و عامله معاه لغايه دلوقتى حوالى 12 الف كبلو لان استخدامه ليها قليل

ما شاء الله
مفيهاضش اى حاجه لغايه دلوقتى و لا نص عطل

بصراحه تابلوه النيو النترا 2012 من وجهة نظرى شكله مش عاطفى( مساله اذواق)

انا راى تابلوه الاكسنت اربى افضل بمليار مره منه
تحياتى

رد: رجاء من كل ملاك الالنترا الجديدة و القديمة الدخول للأهمية

النترا جميله عموما و عربيه ممتازه و عمرها ما تنزل معيوبه او كده بس هي مشكلتها الوقتي في شكلها الجديد انها غاليه شويتيتن بس انما هي عربيه ممتازه و عن تجربة و ادخل في قسم الالنترا هنا في الموقع و شوف التقارير اللي معموله عن السياره و في تقرير انا كاتبه برضوا هناك و مرفق بالصور و الفيديو . شوف و فكر و احنا ماعك لو فيه اي استفسار

رد: رجاء من كل ملاك الالنترا الجديدة و القديمة الدخول للأهمية

اقتباس:

المشاركة الأصلية كتبت بواسطة yahiaashraf (المشاركة 514236)

شكرا جدا ليك بس استخدام والدى للسيارة يعتبر استخدام تقيل عشان المشاوير و هو شغله فى القليوبيه يعنى مطبات أرض غير مرصوفة و الذى منه :36_1_1[1]:

رد: رجاء من كل ملاك الالنترا الجديدة و القديمة الدخول للأهمية

اقتباس:

المشاركة الأصلية كتبت بواسطة A7MED NASSER (المشاركة 514250)

شكرا يا باشا
ما هو أنا عارف انها جميلة والله و هى ممتازة بس اللى أنا عايز أوصلوا هو العمر الافتراضى لقطع غيارها ده أهم حاجة :THE_PR~18: