إستشارة فنية من أهل الخبرة
 

السلام عليكم

انا معايا نيو اكسنت 2010 مانيوال وكنت عاوز ارش الاكصدام الامامى والخلفى علشان فيهم خدوش كثيره وواضحه وكنت بفكر كمان ارش العربية كلها وش نضافه علشان فيها خدوش فى 3 مناطق بالعربيه.
انا كنت عاوز اعرف رأيكم هل ارش العربيه كلها ولا كفايه الاكصدمات بس علشان الرش ده ميقللش من قيمة العربيه لو فكرت ابيعها؟
ولو رشيت العربيه كلها وش نضافه يقلل من سعر العربيه كام؟

منتظر ردودكم ...

رد: إستشارة فنية من أهل الخبرة
 

بص يا ابو حميد نصيحة لوجه الله سيب الخدوش زي ما هيه لان المنطقة بتاعت الاكصدامين معرضين دايما للخدش والتجريح

وفي نفس الوقت تاخد العين

لو هترش يبقي ترش حزام علشان متقللش من قيمة العربية

لانك لو رشتها كلها هتنزل مش اقل من 3000 جنيه في سعرها

رد: إستشارة فنية من أهل الخبرة
 

حوالي 60% من العربيات في مصر رشة اكصدامات
ونسبة كبيرة رشه اجزاء في العربية من حتت كتير لانك شايف السواقة في مصر والزحمة عاملة ازاي
يفضل دائما انك تتلاش موضع الرش بغض النظر عن الاكصدامات
رش نضافة للعربية يقل من تمنها لسبب بسيط اي حد هيقولك كان فيها خبطة جامدة علشان كده اترشت كلها
الصح ايه بقى ياباشا لو الخرابيش الي عندك في العربية مش جايبة الصاج تجيب بولش اسمو
3M اهم حاجة يبقى صنع في المانيا ده ساحر ملوش حل
ونشوف هيعمل ايه في الخربيش معاك اما بالنسبة للاكصدامات رشهم عادي جدا ولا فيها اي كلام
ليه ممكن لا قدر الله تبقى عربيتك واقف وحد يريح على الاكصدام يكسرو
هنقوم شرين اكصدام تبكل الون والاصلي كمان
هتبقى فرقت في ايه فرش الاكصدامات نضافة ميعبش العربية في شيء والزبون الي هيتكلم في رش اكصدمات من الاخر متبعلوش لانو مش نزيه وانت شكلك راجل نزيه
وربنا يديك خيرها ويكفيك شرها ويرزق الاحسن منها

رد: إستشارة فنية من أهل الخبرة
 

طيب لو رشيت العربية اليوم وتانى يوم حد جرحها يبقى ايه الحل؟ هترشها تانى. سبها زى ما هى وجيب البولش اللى قال علية مطر باشا ودة يحسن الامر ومش يكلف

رد: إستشارة فنية من أهل الخبرة
 

اولا ياجماعه انا بشكركم جدا على المشاركات وارشادتكم
ثانيا انا عاوز اوضح ان الخرابيش اللى فى العربيه معاديه المعجون وواصله للصاج وانا خايف تصدى فوضعت عليها بشكل نضيف برايمر بتاع الصدا وانا عربيتى لونها نبيتى علشان كده مش باين البرايمر من بعيد وانا ماشى بس طبعا باين والعربيه واقفه من قريب.
وبالنسبه للاكصدام انا فعلا مش هارشه دلوقتى علشان ياخد العين وكمان لما شكله يبقى وحش خالص ابقى ارشه.