تجربتى مع صيانة قليوب
 

امبارح كنت فى قليوب بعمل صيانة ال 1000 كم الأولى لل i10 بتاعتى. العربية أخدت ساعتين وخمس دقايق تقريباً من أول لما دخلت لحاد ما استلمتها.

غيرولى الزيت وفلتر الزيت وأخدم حوالى 118 جنيه.

وكمان فكوا العجل إلى ورا (كنت ببص عليهم من فوق) وركبوه تانى. هوه ده تربيط عفشه ولا إيص بالظبط أنا مش عندى أى خبره خالص.

رد: تجربتى مع صيانة قليوب
 

لما فكوا العجل اللى وراء كانوا بيعملوا رجلاش للتيل الخلفى اكيد انت لاحظت ان الفرامل اتظبطت معاك

رد: تجربتى مع صيانة قليوب
 

الله ينور عليك. وأنا أقول إيه ريحة الشياط إلى أنا شاممها ده النهارده بعد نص المسافة فى مشوارى للرحاب. واضح إنه كان ريحة شياط من الفرامل.

هوه يعنى إيه رجلاش، ده كلمه انجليزى ولا إيه، طب معناها إيه لحسن أنا أبيض خالص. ومنكم نستفيد.

رد: تجربتى مع صيانة قليوب
 

الرجلاش هو ظبط الخلوص بين التيل و الطنابير من اجل تحسن اداء الفرامل لانه مع مرور الوقت التيل بيخلص و بالتالى بيكون فى فرق بين التيل و الطنابير يبقى نعمل ايه نعوض الفرق ده بالرجلاش

رد: تجربتى مع صيانة قليوب
 

كده هنخش فى مشكلة تانية ..
يعنى ايه خلوص .. ههههههه