عايز اغير مقاس الجنط وحجم الكاوتش
دلوقتي يا شباب مصر موتوز انتو كفائة وخبرة وانا متأكد من أنكم ها تجيبولي حل
أنا معايا 127 فيات 84 مقاس كاوتشها 13/135 وانتوا عارفين 135 ده رفيع اوي و 13 ده منظره عرة صح كونت عايز اغير حجم الكاوتش و مقاش الجنط من غير مازعل العربية ولا اضرها وكنت عايز اعرف منكم انواع الجنوط النضيفة ومركاتها ومتوسط سعرها واحسن انواع كاوتش ومتوسط سعرها يعني الحكاية تغير 5 فردة كاةتش تتكلف كام؟ |
رد: عايز اغير مقاس الجنط وحجم الكاوتش
المقاس 80/135 r13
|
رد: عايز اغير مقاس الجنط وحجم الكاوتش
بص ياريس
انا معايا 127 ومركب فيها جنوط اسبور 13 ومركب فيها كويتش 175/70 نصيحة بلاش تركب حجم الكوتش كبير يعنى ممكن تخلى الجنوط 13 زى ماهيا بس تجيب شكل اسبور نضيف ودة سعرة بيكون تقريبا من 900 جنية وانت طالع وفية منة الصينى ودة رخم فى تركيبة ومش بيستحمل والكوتش ممكن تجيبة 145 بس اوعى تزود عن كدة لان لو جبت كويتش كبير هيبوظلك العفشة وهيحك فى الرفرف وهيتعبك |
رد: عايز اغير مقاس الجنط وحجم الكاوتش
بتجيب اي 4 جنوط بتاع فيات 13 يكون الجنط نفسه عريض , و تركب عليها كاوتش اعرض زي ال 175 مثلاً. و ممكن تجيب طقم جنط اسبور من الجديد بس الحديد الاستيراد هايستحمل الخبط و الرزع بتاع شوارعنا اكتر.
انا معايا نيفا و كاوتشها 16 بس رفيع .. (16 600) و عاوز اغير اركب كاوتش 14-650 او 14 195 .. بس انا هايبقي عندي مشكله لان الجنط قطره اصغر و ممكن يسبب مشاكل اجزاء ال العفشه. |
رد: عايز اغير مقاس الجنط وحجم الكاوتش
شكرا للافادة
يعني رايكم اجيب جنط 13 سبور والكاوتش يبقي 175/70 زي اللادا |
الساعة الآن 10:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017