|
الى السيد محمود جمال !
السلام عليكم ورحمه الله وبركاته
جيت المنتدى ده لانى كنت بدور على العربيه الالنترا 2012 واتعرفت على الاستاذ محمود جمال علشان مطولش عليكم حجزت العربيه قبل متنزل عند الاستاذ محمود ورحت دفعت مبلغ الحجز فى ابو رواش واخدت ايصال لغايه هنا تمام جدا طبعا انا لو متصلتش محدش بيتصل بيا ! بتابع الحجز بتاعى يعنى المهم وصلت العربيه ونزلت فى بلدى والناس اشترت وانا كل ده مستنى التوكيل اتصلت باستاذ محمود طبعا كان واعدنى هستلم من يوم 1 الى يوم 5 وطبعا الوعد راح عادى يعنى وكالاتى الى حصل قلى الدفعه الى جت من العربيه دى خلصت وسلمنا الى قبليك طيب ازاى ؟ مش انا حاجز من بدرى؟ هى الاولويه بالحجز مش ده المفروض ؟ طلع بقى الاولويه بالى دفع كامل القيمه لما نزلت العربيه طبعا انا كل ده نايم ومستنى تليفون يقولولى تعالى ادفع علشان تستلم مش بشم على ظهر ايدى علشان اتصل كل يوم المهم عدى ومات بتصل امبارح ها ياستاذ محمود قالى العربيه غلت 1500 جنيه طبعا الراجل مش زنبه وانا فاهم النقطه دى بس بزمتكم ازاى انا ابقى واحد حاجز من بدرى ؟ والسعر يرفع ويتطبق عليا ؟ يعنى التوكيل حتى مبيقدرش عميله ؟ استنى كل ده ويقولى فى الاخر العربيه غليت 1500 جنيه ؟ ده يبقى اسمه ايه ؟؟؟ ......................... ................ التوكيل مقدرنيش اقدره انا ؟ انا حاجز من بدرى وفى الاخر يتقالى كده ؟ فى انتظار نصيحتكم مش عارف اجيبها ولا ايه معى العلم انا من الشخصيات الى بتحب المعامله الديركت يعنى بسبب الى حصل ده ممكن اجيب ماركه تانيه عادى بقى |
رد: الى السيد محمود جمال !
اسأل عليها ف مكان تاني لو لقيتها بسعرها العادي طبعا تشتريها من هناك لو زادت خلاص اتوكل على الله واستحمل .. مع اني لو منك وحصل معايا والله ما اشتري من الناس دي ولا حتى اي حاجه من هيونداي بحالها بس العربيه لسه جديده ف السوق وهيبقا ليها قيمتها في الشارع .. مع اني لسه جاي حالا من المصريه وركبتها ف المعرض معجبتنيش خالص من جوا الصراحه دا رأيي الشخصي ال2011 اللي معايا من جوا عجباني اكتر .. بس هي من برا ك شكل فخمه جدا ماشاء الله .. شوف كده هتعمل ايه وربنا معاك وانا بنصحك انك تستحمل وخلاص بس حاول الأول انك متدفعش الزياده لأنك يعتبر شاري من قبل الزياده .. ربنا معاك وابقا طمنا عملت ايه ياباشا
|
رد: الى السيد محمود جمال !
لازم تخش للمدير بصوت عالى حبتين وتحكى عن الموقف ولو لم يعيطك السيارة بالسعر القديم تاخذ مقدم الحجز وتطلع على توكيل اخر بيقدرالعملاء وتشترى سيارة احلى
|
رد: الى السيد محمود جمال !
اها والله فعلا مفيش اى نوع من انواع التقديرعندهم
ولا حد بيتصل بيك علشان يتابع معاك لازم انت الى تتابع بنفسك ومفيش تقدير انو الواحد حاجز من بدرى عندهم فعلا سعرها زاد فى التوكيل بس الى اعرفه من اقل انواع التقدير والاحترام انو فى عميل حاجز من بدرى وعلى سعر معين يتطبق عليه بس يلا حصل خير الحمد لله انها بانت من اولها |
رد: الى السيد محمود جمال !
جارى سحب مقدم الحجز
كلمت الراجل وهيمشيلى فى اجرءات سحب المبلغ بفكر فى ماركه تانيه ! بس ابعدونى عن موديلات هيونداى كلها ! ايه رايكم فى الكيا كارينز ؟ او نيسان صنى ؟ وبالنسبه للميتسوبيشى نزل منها 2012 ؟ |
| الساعة الآن 05:35 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017