مصر موتورز مجتمع السيارات - انجدوني !!! المفتاح بالريموت ضاعوا !!!!

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

- - انجدوني !!! المفتاح بالريموت ضاعوا !!!! (https://www.masrmotors.com/vb/showthread.php?t=24705)

انجدوني !!! المفتاح بالريموت ضاعوا !!!!

السلام عليكم

باختصار كدة المشكلة العويصة الي انا فيها ان انهاردة المفتاح بالريموت ضاعوا مني انا معايا طبعا النسخة الاسبير من الاتنين والمشكلة ان المفاتيح ضاعت تحت البيت عندي انا اشتريت لوك للدريكسيون وركبتة عشان ماتتحركش ووقفتها قدام باب العمارة عند موظف الامن بس دلوقتي اية التصرف الصح الي المفروض اعملة لو رحت التوكيل عشان يغيروا المفتاح والريموت حتكلف كام تقريبا وهل في حلول اخرى بديلة توفي بالغرض وشكرا ليكم وللمنتدى الكريم وكان نفسي تكون الظروف احسن من كدة في اول مشاركة لية

رد: انجدوني !!! المفتاح بالريموت ضاعوا !!!!

اقتباس:

المشاركة الأصلية كتبت بواسطة eng_zidan (المشاركة 171082)

على فكرة العربية نيو اكسنت

رد: انجدوني !!! المفتاح بالريموت ضاعوا !!!!

قبل ماتروح للتوكيل هتاخد حتة الحديدة اللي بتبقي جايه مع الريموت اسمها بطاقة المفتاح عليها رقم خاص بالمفتاح لو مش معاك هتتعب جدا وهتبقي حوار كبير جدا المفتاح تقريبا مش هيعمل اقل من 150 جنيه وتقبل تحياتي

رد: انجدوني !!! المفتاح بالريموت ضاعوا !!!!

ياباشا أنت المشكلة اللى عندك إن المفتاح وقع منك قدام البيت فانت لازم أما تركن تركب اللوك فى الدركسيون وتخليك خاططها أدام الامن عشان يخلو بالهم منها ودة ممكن يكون لفترة مثلا ولتكن شهرين بس أوعا تقولهم إن فى نسخة من المفتاح ضاعت عشان ممكن يكون لاقاها وساعتها قول على العربية يا رحمن يارحيم
وممكن تعمل حل تانى إنك تودى العربية جراج محترم ودة الحال الآمن لحماية العربية من السرقة ومن الخبطاط
وفى حل تالت إنك تغير كل كوالين العربية (البابين والشنطة و الكونتاكت والتابلوة لو ليه)
ودى ممكن تعرف سعره لما تروح التوكيل فى أقرب صيانة ليم أو ممكن تتصل وتسأل بس مش أكيد أنهم يقولولك فى التليفون

رد: انجدوني !!! المفتاح بالريموت ضاعوا !!!!

ptmnlo123per111
:( ملهاش حل غير اللوك الي انت عملو
اصل هتفصل البطارية لا قدر الله هيركبها
و لو فصلت الستنر هو معاه المفتاح
ربنا يستر