مصر موتورز مجتمع السيارات - مشكلة فى كربراتير الاكسيل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - مشكلة فى كربراتير الاكسيل (https://www.masrmotors.com/vb/showthread.php?t=122381)

مشكلة فى كربراتير الاكسيل

لسلام عليكم
افيدونى يا جماعة انا عندى إكسيل 97 اتوماتيك 1500 سى سى إستهلاك البنزين فيها 140 كيلومتر فى الصفيحة و ده طبعا إستهلاك عالى على الاكسيل ورحت لمركز الصفا قالولى العربيه مظبوطة وانا مش مقتنع بالكلام ده فهل اصلح الكربراتير، واصلحه عند مين وعنوانه فين ولا اشترى استيراد وهيكون منين وبكام ، ولا اشترى جديد وبرده هيكون منين وبكام .
ولكم جزيل الشكر،،،

رد: مشكلة فى كربراتير الاكسيل

مركز الصفا بالذات لازم تصدقه لانهم عاوزيين يشتغلوا

فحضرتك لازم تدور على المشكله جايه منين مثلا طرقة سواقتك عامله ازاى بتقف فى زحمه كتير سواقتك رياضيه وعنيفه كدا كل ده بيأثر جامد فى استهلاك البنزين

رد: مشكلة فى كربراتير الاكسيل

السلام عليكم ورحمت الله وبركاته

طبعا ده شكر واجب لانك فى كلمات بسيطه حليت لى مشكله كبيرة فى عربيتى الاكسيل إلى كنت بشتكى منها إنها بتاكل بنزين وانت قولتلى راجع طريقة سواقتك انا عايز اقولك إن العربية بعد ما كانت بتعمل140كيلومتر فى الصفيحة اصبحت بتعمل 170 كيلومتر فى الصفيحة وفى مرة بعدها عملت 200 كيلومتر فى الصفيحة بس دى كان فى مشوار كبير على سرعة 100 كم/ساعة والمشكله كلها إنى بقرص على العربية فى بداية تحريك العربية من الثبات وكمان بقرص اثناء الطريق بدون داعى مع إنى هفرمل بعد مسافة صغيرة وهكذا... .
وكمان فى إعتذار لازم اقدمه لمركز الصفا إلى مشتغلونيش ولما روحتلهم قالولى عربيتك سليمه و مش محتاجة صيانة كربراتير ولا حاجه
:fun_36_3_16[1]::fun_36_3_16[1]::fun_36_3_16[1]::fun_36_3_16[1]::fun_36_3_16[1]::fun_36_3_16[1]::fun_36_3_16[1]::fun_36_3_16[1]:

رد: مشكلة فى كربراتير الاكسيل

احييك على أمانة التبليغ

رد: مشكلة فى كربراتير الاكسيل

يا استاذ على ايه مفيش حاجه احنا اخوات وعلى فكره انا عمرى ما اتعاملت مع مركز الصفا بس اللى اعرفه عنهم انهم صادقين جدااا وكل اللى راح لهم كان مستريح جدااا من شغلهم وربنا يباركلك فى سياراتك ويكفى امانتك فى التبليغ عن انتهاء المشكله