اتخنقت ومعدتش بتدور
 

السلام عليكم


اخواتى عايز اخد رايكم في حاجه


انا بقالى فتره كل مدور العربيه تور من اول مره وبعدين تفصل ادور تانى تدور تمام وامشي من غير اي مشاكل الموضوع دا الصبح بس باقي اليوم بتدور من اول مره


المهم اول امبارح نزلت ادور مبتدورش ولا من اول ولا من تانى ولا ...... المهم مش راضيه تدور خالص

رحت ندهت للكهربائي جه بص قالى رداخ

رحت مغير الرداخ والعربيه اشتغلت وتمام في نفس اليوم بليل عملتها تانى معايا رحت ندهتله قالى اكشف كمبيوتر ونظف الرشاشات (طبعا هو غير الرداخ والعيب كدا مش منه) قولتله طب ادور العربيه ازاى

راح فاتح البوابه وراشش بنزين ودورت دارت عادي

قالى لحد متصلح العربيه كل مالعربيه هتبرد منك هيحصل كدا فلازم تفك البوابه وترش بنزين وتدور هتدور معاك

المهم هى فعلا بتدور دلوقتى بالطريه دى بس العربيه بتنتش منى جامد وانا ماشي وحاسس انها هتفصل بس مبتفصلش ومخنوقه جدا جدا

مش عارف انا لسه عامل طقم نظافه من شهر ومغير كل حاجه في سيور و فلاتر وحطيط منظف رشاشات وفولت عليه وسافرت

مش عارف اعمل ايه دلوقتى
انا كنت مركب طلمبه مستعمله يابانى (انا شاريها من عند الكهربائي قاسها قبل ميركبها وقالى تمام) - انهارده سافرت بالعربيه من بورسعيد للعاشر ومشيت علي سرعه 140 عادي بدون مشاكل - بس العربيه بتنتش علي السرعات المنخفضه يعنى من 0 الي 40

انا دورت العربيه من شويه علي السلانسيه من غير مزود بنزين وراقبت rpm اول مدورت المؤشر وصل ل 1ونص وبعدين نزل لحد 1 ومرداش ينزل عن كدا - بس الغريبه ان العربيه دارت من غير معمل حاجه - مش عارف السفر فوق العربيه شويه ولا ايه؟

العربيه برشاشتها الاصليه

العربيه عامله 120 الف كيلو

رد: اتخنقت ومعدتش بتدور
 

ايه ياجدعان هى المشكله صعبه قوى ولا انا مش عارف اوصفها صح؟

رد: اتخنقت ومعدتش بتدور
 

مفيش شىء صعب

بإذن الله

وجارى المتابعه معاك

وتناول الحديث للوصول لحل مناسب

أنا لسه مقريتش الحاله

بس لفت نظرى ردك هذا

رد: اتخنقت ومعدتش بتدور
 

عاوزك تطمن على الوضع الحالى لفلتر البنزين

أو

جرب فلتر جديد

رد: اتخنقت ومعدتش بتدور
 

يعنى ثبت على 1000 لفه / دقيقه

ومنزلش عن كده ( على السلانسيه )

فهل وضعه كان كده ( فى عصره الذهبى الطبيعى )

ولا الوضع ده مستحدث

( لسه ظاهرقريبا مع القلق الحالى فى الدواره والتنتيش ) ............؟