خبطة فى العتب
 

هى الخبطة اللى فى العتب لما بتتعمل عند سمكرى بترجع زى الاول ولا صعب

ولا ليها طريقة معينة للرد لو ممكن حد يشرحالى

انا سمعت ان فية حاجة اسمها شفط بس مش عارف ازاى . فهل دة صح وهل هى مكلفة

وشكرا

رد: خبطة فى العتب
 

بص يا سيدى الشفط عبارة عن عمود نحاس زى القلم الفرنساوى بيحط علية بودرة ونار يتلحم فى العتبة ثم يشد لبرة
ودى سهلة وانظف طريقة لرد العتبة احسن من فتح بطن العربية عشان يردالعتبة مش كدة والا اية
ولكن هى بعد ذللك بتحتاج دهان على اد ها

رد: خبطة فى العتب
 

شكرا يا استاذ احمد

بس هل هى مكلفة وهل بعد مابتتعمل ماتحتجش سمكرة ولا دق تانى

حتى لو فيه انحناءات

وأعملها فين وبكام ؟؟؟:Bravo:

رد: خبطة فى العتب
 

الحمد الله انها جت ع قد كدة انا نفس الحكاية عربيتى اتخبطت فى الرفرف من تحت وحتة من العتب بس خبطتى جاكدة شوية

نصيحة منى ليك خبطة العتب عندك لو جامدة او عند السوكة مش تخلى اى حد يعملهالك خلى واحد كويس يعملهالك علشان تطلع مضبوطة صح

وهو الشفط دة احسن حاجة ولا بيفتح ولا وجع دماغ ومش بيتكلف حاجة خالص هى هى نفس التكلفة لانة مش جهاز ولا حاجة جى حاجة يدوى كدة هما عملوها علشان الكلام دة

وخلية يضبطهالك ع قد ما يقدر مش تسيبة الا لما يضبطها صح

ولو هترش وكدة خلى بتاع البوهية يحطلك معجون فايبر وميحطش معجون عادى
وخلى بالك هو هيكسل انة يحطلك معجوب الفايبر لان سنفرتة بتكون صعبببة جدا وبيكون وبيكون ولا الحديد ومش بيجرالة حاجة ابدا

لكن المعجون العادى لو فى حتة مش مردودة كويس وكتر المعجون شوية وظلتة جت فية هتوقعة

فاكد انة يحطلك المعجون الفايبر دة ضرورى ولو مش ردى متعملش شغل عندة

السمكرى ممكن ياخد منك 100 جنية فى المتوسط يعنى وهو ضميرة وتبع حجم الخبطة عندك

ولو ردهالك صح الصح ارضية متزعلوش

وربنا يعديها ع خير ان شاء الله

رد: خبطة فى العتب
 

بسيطة ان شاء الله ومتخفش بس نصيحة لو ردها فعلا صح ارضية لانها صعبة ومتعبة انا عملتها قبل كدة ولما ترشها مش هتعرف انها مخبوطة اساسا خالص وان شاء الله ربنا يستر طريقنا كلنا