استطلاع ما مدي رضائك عن خدمة ما بعد البيع لسيارتك الهيونداي
 

رد: استطلاع ما مدي رضائك عن خدمة ما بعد البيع لسيارتك الهيونداي
 

من متابعاتى الدائمة ارى ان الخدمة فى مراكز الخدمة المعتمدة افضل من مراكز خدمة الوكيل سواء فى النواحى الفنية او الاهتمام بارضاء العميل او تكاليف الصيانة وان كان الفارق بسيط الا انه فى صالح مراكز الخدمة المعتمدة
ومن افضل مراكز الخدمة اللى اشاد بيها الكثيرين ( كار تك - ابوغالى العبور)

رد: استطلاع ما مدي رضائك عن خدمة ما بعد البيع لسيارتك الهيونداي
 

والله يا استاذ عمر انتا ربنا يجازيك كل خير لان الموضوع ده فعلا هيخلي الناس تعرف اللي عنده ضمير من اللي معندهوش ريحته

انا هبتدي من الاحسن لللاوحش

احسن مركز اتعاملت كان ابو غالي العبور وهما ناس عندهم ضمير ومحترمة جدا وانا اديهم تقييم 8/10

تاني مركز اتعاملت معاه ابو رواش دول لا عندهم ريحة الضمير ولا يعرف طريق بيتهم واديهم 1/10 ده حتي الكافيه منيل بستين نيله الواد طالبت منه واحد نسكافيه من اول العربية ما دخلت لحد ما استلمتها كل ما اكلمة يقولي بيتعمل يا بشمهندس وجي انا حسيت انهم بيطبخوه وعمرك ما تعرف تاخد مع المركز ده لا حق ولا باطل


تالت مركز قليوب ده بقا حكايته حكايه ولا في تنظيم ولا بتنجان ولا ريحة الضمير كنت مغير كاوتش في مركز الهياكل اللي جنبهم وروحت علشان يرصصو الكاوتش عطلني يجي ساعتين وانا ببص عليه من فوق لاقيته مرصصش الا عجلة واحدة بس وقوله كدا قبل ما استلمها قعد يطنطط ويقولي لا يا بيه احنا رصصنا الكاوتش كله علي ااساس اني كنت احول وانا ببص عليها المهم خدتها واول ما طلعت الدائري راكب هزاز ولا عملو ترصيص ولا اي بتنجان وقولت حسبي الله ونعم الوكيل ومشيت روحت رصصت وظبط زوايا بره

وديه كانت حكايتي مع المراكز اللي اتعاملت معاها

رد: استطلاع ما مدي رضائك عن خدمة ما بعد البيع لسيارتك الهيونداي
 

انا بعمل صيانة عربيتى فى توكيل غبور اسكندرية وبمنتهى الصراحة الناس للان كويسين جدا جدا واديهم من 9 الى 8 من 10

رد: استطلاع ما مدي رضائك عن خدمة ما بعد البيع لسيارتك الهيونداي
 

طبعا مشاركة عملاقة المنتدي بتفتح النفس ان الواحد يقول الي هو عاوز يقوله و انا مع ِAboNara فى كل الي قاله و معاه بنسبة 100 فى ال 100 ابو غالي 8 من عشرة و غبور ابو رواش 1 من 10 لكن لي عتاب على القائمين على المنتدي عرض زي عرض غبور المثبت فى هيونداي باسم مفاجات غبور مع مصر موتورزالراجل عمل العرض يوم 5 - مارس و من يوم 15 مارس مفكرش يدخل على الصفحة او حتي يرد على تسأولت الاعضاء قمة الاستخفاف بالناس يريت الناس دي تعرف ان المنتدي ده مكسب ليهم مش مجرد سبوبة و اخطف و اجري و ارجو ان يتفاعل الاعضاء اكثر مع الموضوع و يعرض كل واحد وجه نظره