|
لو أنت مكاني تزعل وللا تفرح ؟؟؟؟
بصراحة مش عارف لو أنت مكاني تزعل وللا تفرح ؟
لما يكون عندك عربيه رينو ميجان تمنها 145 ألف جنيه وتبيعها بـ53 ألف جنيه بعد 3 سنين ونص يبقى شعورك أيه ؟ لما تخلص من الاداء السيء والصناعة الرديئة يبقى أحساسك أيه ؟ لما تحس إنك دفعت فلوس في الهوا وراحت عليك يبقى أحساسك أيه ؟ لما تخلص من مصاصة دماء يبقى أحساسك أيه ؟ لما تحس إنك أتخدعت بمظهر جميل لسيارة ردئية يبقى أحساسك أيه ؟ لما تلاقي ملاليم ماتحصلش ثلث تمن العربيه يبقى أحساسك أيه ؟ لما تخلص من النكد و القرف والأعطال الكتيره يبقى أحساسك أيه ؟ بصراحة كلام كتير جدا مش عارف أوصلهلكم بعد ما خلصت من الكئيبة إللي أسمها ميجان دي مش عارف إذا كنت زعلان على الفلوس إللي طارت في الهوا وللا فرحان أني خلصت من المشاكل بتاعت العربيه الغريبة دي ؟ أهم حاجه اني خلصت منها والحمد لله وبعتها بثلث تمنها الحمد لله والشكر لله سمعيني زغروته يا فطومه ptmnlo123per154 |
رد: لو أنت مكاني تزعل وللا تفرح ؟؟؟؟
تقول قدر الله و ما شاء فعل و تدعي ان اللي اشتراها يكون حظة و نصيبة احسن منك
و تخش تتفرج علي مقالات و فيديوهات و ريفيوهات لعربيتك الجديدة عشان تنسي و تحمس نفسك الف مبروك يا باشا و عقبال متستلم الفانتازيا ان شاء الله |
رد: لو أنت مكاني تزعل وللا تفرح ؟؟؟؟
الف مبروك يا باشا أنا والدى كان عايز يجيبها ليا أنا وأخويا بس بعد ما شفت رأى حضرتك عن الميجان
خليتو يفكر فى ال أوكتافيا وربنا يعوض عليك فى الفلوس اللى إتدفعت فيها |
رد: لو أنت مكاني تزعل وللا تفرح ؟؟؟؟
نقول الحمدلله ان بيعها لم يؤثر علينا وان معانا فلوس نجيب غيرها و غيرها !
وفرق الثمن من الشراء للبيع انت ركبت بيهم ( مع العكننه طبعا ) + الخساره الطبيعيه لبيع المستعمل ! مع عدم حدوث أى حوادث لك بها ! تجد أخيرآ انك ما خسرتش كتير ! Dr. Bolbolan ptmnlo123per122 |
رد: لو أنت مكاني تزعل وللا تفرح ؟؟؟؟
انا مع راى الدكتور بلبلان وحورس انا شايف انك تفرح والحمد لله انك خلصت منها قبل ما سعرها ينزل اكتر وتكلفك مصاريف اكتر واكتر فاحمد ربنا انها جت على قد كده وبإذن الله ربنا يعوضك عليك ويباركلك فى الجديدة ان شاء الله
|
| الساعة الآن 10:10 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017