ياترى انا عملت الصح ولا فتيت؟؟
 

ياجماعة من غير ما حد يزعقلي.. انا فيرناوي جديد.. اشتريت العربية اول السنة دي 2011 والحمد لله كويسة معايا وزي الفل.. ناس كتير نصحوني اغير الكاوتش النسر المصري لأنه سيئ فيها وبيبوظ العفشة عشان ناشف وكده.. رحت لواحد معرفة وغيرلي الاربع فرد بكاوتشان اسمها نيكسين وقال لي انها كوري اصلي وانها بتنزل في السيراتو الجديد444546
المهم بعد ما غيرتهم محستش بفرق يعني يذكر زي ما الناس قالولي في المطبات والفرامل وكده
سؤالي هو: هل فعلا انا محق في تغيير كاوتشات النسر؟ وهل النيكسين ده كويس ولا انا اضربت على قفايا؟ايه ياترى
سؤال اخر ضروري: ساعات بلاحظ عضة خفيفية في المارشدير مبتتكررش كتير لكن لما بتحصل لازم اشيل رجلي من على الدبرياج وامور وبعدين احاول تاني.. كنت في اتوكيل امبارح صيانة 5000 وقلتلهم عليها وقالولي انهم عملوها لكن طبعا كل حاجة زي ما هي.. ممكن حد يقولنا الدنيا فيها ايه؟
شكرا ياشباب والله وواعدكم اني مش هعمل اي خطوة الا بمشورتكم ان شاء الله

رد: ياترى انا عملت الصح ولا فتيت؟؟
 

بالنسبة للعضة (( مش ها تندم لو كشفت علي كهربة العربية عند اي حد بتاع بطاريات .. كان عندي حاجة شبيها وراحت لما غيرت البطارية ))

رد: ياترى انا عملت الصح ولا فتيت؟؟
 

باشا معلش عشان فهمي على قدي.. ايه علاقة ع ضة في المارشدير اللي هوالفتيس بكهربا العربية والبطاريات؟؟ معلش ممكن تفسر؟؟

رد: ياترى انا عملت الصح ولا فتيت؟؟
 

ما قمت بة صحيح 100% النكسين الكورى نوع ممتاز فعلا افضل من النسر مليون مرة
العضة فى المرشدير ممكن تحتاج ظبط خلوص بدال الدبرياج عند ميكانيكى يكون امين وبيفهم
حافظ على عمل كروس للكوتش كل 5000كم وعمل رصاص باستمرار كل مرة حتى تحافظ على مستوى تأكل الكاوتش

رد: ياترى انا عملت الصح ولا فتيت؟؟
 

تسلم ياكبير