مصر موتورز مجتمع السيارات - جبت عربية ( لولولى)

- بداية الف مبروك على العربية وربنا يحميك ويحميها
- هية العربية موديل كام و1500 ولا 1600
- ومهم جدا ً تقرأ جدول الصيانة الدورية الخاص بها وتطبقة خصوصا ً فى
* اول حاجة تكشف على السيور وتتاكد من اللى باعها لك عن اخر مرة مغير سير الكتينة وهل غيرة من الوكيل لان بتاع الوكيل يتغير على 60 الف ( تأكد من الفواتير ) اما الخارجى فيختلف ولازم تكشف علية فى مكان محترم او تغيرة وتريح دماغك وهو غالى شوية ( الاصلى طبعا ً )
* تغيير فلتر زيت كل 5 الاف الا اذا كنت حاطط زيت 10 الاف كم
* تغير فلت البنزين كل 10 الاف كم
* فلتر الهواء وهو المفروض كل 15 الف ولكن انت ممكن تشوفة لو نظيف سيبة
* تغيير البيجوهات ( شمعات الاحتراق ) واظن ان بتاعة الوكيل كل 40 الف او حسب النوعية اللى راكبة
* الكشف على البطارية جيدا ً
* الكشف الظاهرى على الكاوتش وتأكد من تاريخ الصنع وتأكد انة لم يتجاوز 3 سنوات او ان الكاوتش لم يسير اكثر من 60 الف كم ( خاصة لو انت بتسافر بالعربية )
* مع التأكد من صلاحية الاستبن
* اكشف على تيل الفرامل وتأكد من صلاحيتة حماية للطنابير
* اكشف على زيت الفتيس ولو العربية معدية الغيار غيرة
- بحاول اعصر دماغى ولو افتكرت حاجة تانى هأكتبهالك - ان شاء الله - ولا انت اية رأيك ؟
- ومعلش اتحملنى لانى موسوس شوية ولان الكورى بصفة خاصة لازم تلتزم بجدول الصيانة للمحافظة علية
- وللعلم انا مش متخصص ولكن دة عن تجربة
- اة بعد ما تخلص الحاجات اللى فوق نبقى نتكلم على موضوع ترويش العربية