ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

ردا علي كل الاعضاء اللي في انتظار ردي علي سبب زياده اسعار السيارات في مصر

وردا علي الرسائل و المشاركات في معظم الموضوعات
قررت ان يكون الموضوع منفصل
واتمني ان تكون الردود في نطاق الموضوع
دون انتهاك حرمه الاشخاص أو الهيئات أو المؤسسات

********* الرد باختصار **********
ممكن يا جماعه نضرب مثال صغير مع بعض


لو واحد فاتح محل عادي جدا وربنا باركلوا فيه وفتح للمحل ده فرعين كمان وبقوا 3 فروع

والراجل كان بيكسب في السلعه بتاعته الواحده 2 جنيه
وكان بيبيع 1000 سلعه في الشهر
يبقي الاجمالي كام 2000 جنيه اجمالي ربحه
الراجل كانت مصاريفه كالتالي
500 ايجارات وضرائب ومصاريف كهرباء ونور وميه و مصاريف نقل و ادوات مكتبيه وغيره
وكان مشغل عنده 4 الواحد بياخد 250 جنيه
يبقي اللي باقي عنده 500 جنيه صافي ربحه

لكن قل حجم المبيعات اللي عنده في السلع وبقي بيبيع بدل ال 1000 بقه بيبيع 800
بص لقي اللي صافي ليه كام ؟
300

وتدهور السوق وبقه بيبيع 750
بقه الراجل بيصفيله كام
250 يعني بقه زيه زي اللي شغال عنده

ولان الراجل لقي العمليه مش جايبه همها
قالك خلاص
اوفر في العماله

وقرر يقلل حجم العماله اللي عنده
ويمشي 2 ويشتغل هو بنفسه عشان يطلعله مبلغ يستاهل تعبه
لكن رئيس الحي قالوا لا مينفعش تزود البطاله في الظروف اللي البلد فيها دي

مشي واحد بس كفايه
هي البلد مش ناقصه عواطليه
الراجل قال ماشي
وبالفعل خلي عنده 3 شغالين الواحد 250 × 3 = 750
وهو بيصرف مصاريف ثابته = 500
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ
يبقي هو بيصرف من الاخر 1250

وقل حجم مبيعاته لحد ماوصل 650 بس ×2 = 1300

فالراجل لقي ان الحل الوحيد لحد ما السوق ينتعش انه يغلي البضاعه عشان ما يقللش العماله أو عشان ما يقفلش المشروع بتاعه وبرده هيبقي زود البطاله 3 رجاله زياده

لكن الناس اللي شغاله معاه كانت عايزه مرتباتها تزيد لان 250 ج ميعملوش حاجه

فزود الربح بتاعه من 2 جنيه الي 3 جنيه
فبقي 650 ×3 = 1950
وزود الناس اللي عنده 50
فبقت الحسبه كده

مرتبات 3* 300= 900
+ المصاريف = 600 ( لان المصاريف زادت لان باقي التجار لجأوا لنفس السياسه )
يبقي الراجل بيصرف 1500
ومكسبه كام من الشغلانه 450 جنيه






******
يمكن الموضوع في مصر مش بالبساطه دي
لكن كل اللي اقدر انصح بيه
ان الناس لازم تفهم قبل ماتتكلم عشان تتكلم صح وتفكر وبعدين تاخد قرارات


زياده الاسعار مش بس في سوق السيارات لا في كل المجالات تقريبا


اتمني تكون الرساله وصلت للجميع

واعتقد اني مش هتكلم في الموضوع ده تاني
فياريت اللي عنده حاجه حابب يقولهالي يذكرها في مشاركته في الموضوع ده

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

هو قبل كده كانت اسعار هيونداي جميله ومكانش في اعتراض

لكن حصلت الازمه الاقتصاديه العالميه
وبعدها الثورة

وبعدين بالنسبه للناس اللي معندهاش ثقه في اي حد دي الرد بسيط جدا

اللي مصدق يصدق
واللي مش عايز يصدق هو حر
هنعمله ايه يعني ؟
نحلفله علي مصحف ... سيب اللي مش عايز يصدق تاعب قلبه ع الفاضي و الدنيا مبتقفش علي حد
والف شكر ليك علي المرور

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع
 

انت جاي تحسد بقه ولا ايه يا بشمهندس






ههههههههههههههههههههههههه هههههههههه
ههههههههههههههههههههههههه ه



لا بس هو الموضوع مش كده
غبور اعلي مبيعات لاسباب

تنوع الموديلات اللي بيشتغل عليها
انت بتتكلم في 13 موديل علي الاقل
دا غير ان ليه غير الموزعين

اكتر من 15 فرع علي مستوي الجمهوريه

وعنده اكبر مراكز خدمه في مصر
وقطع غيار العربيه موفرهالك
وبيشتغل بنظام و النظام عنده فوق الجميع

نظام فوق حتي اصحاب الشركه
انا فاكر ان السيد / نادر غبور قام بالتوقيع علي محضر سيارته التي استلمها بنفسه كأي عميل بالشركه مراعاه للسيستم و النظام


اعتقد لازم نبقي الاول في المبيعات بعد كل ده
ولا انت ايه رايك