مصر موتورز مجتمع السيارات - ملاحظات جديده على الالنترا 2010

السلام عليكم النهارده طلعت بالعربيه للصحرا تانى عشان اجرب وعشان الجدل حوالين الثبات والفرامل بتاعه العربيه
ومجدش يزعل منى انا قفلت العداد تانى 220 بالتمام والكمال وفضلت بالسرعه دى حوالى 2 دقيقه ولاحظت حاجات اقولكوا عليها
العربيه ثباتها ممتاز لحد 160 او 180 ومتحسش بالسرعه الا لو بصيت على العداد بعد كده بتحس بالسرعه والعربيه بتبقى خفيفه
السبب فى السرعه والتجميع السريع ده لانها خفيفه وبرضه رايى لو اتجنطت هاتبقى اتقل شويه على الارض وثباتها هايزيد
بس الثبات كده ممتاز على 160 لحد 180 اعتقد صعب حد يمشى بالسرعه دى مده كبيره حتى لو على طريق العين السخنه
الدريكسيون بيتقل فعلا كل ماتزود سرعه
الفرامل كويسه بس مش سوبر يعنى اكيد محتاجه abs , ebd
التتسارع والتجميع لحد 160 كويس بعد كده بيقل طبعا
مقارنه بالكيا سيراتو هى اخف من السيراتو لكن تسارعها احسن وبرضه عن تجربه السيراتو من اسبوع فى نفس المكان
استهلاك بنزين كويس جدا ومش ممكن اعوز اكتر من كده الحمد لله
صوت الموتور بيعلى بعد ال 150 بتسمعه لكن لو قافل الازاز العزل فل
نصيحتى للى عايز الالنترا وهى اختيار ممتاز لو كان بيحب الجرى يشترى العربيه اللى قال عليها الاستاذ محمود جمال اللى فيها ال abs ,ebd ولو مافيهاش جنوط يجنط

معلش معرفتش اكتب واحط الصور فى مشاركه واحده

العواف عليكوا