استفسار عن الهيونداي
 

السلام عليكم
انا بفكر اجيب عربية... بصراحة شفت الهيونداي فيلوستر الجديدة و عجبني شكلها وامكانياتها
بس كنت عايز اسال عن مميزاتها و الاهم عيوبها...وقطع غيارها عادية ولا غالية وهل بتستحمل واذا كان موتورها جامد ولا لا؟
و سعرها كام في مصر؟
و صراحة انا محتار بينها وبين المازدا 3 هاتشباك..انتو ايه رايكم؟؟ :017165~155:

رد: استفسار عن الهيونداي
 

الاسعار كالاتى
فول اوبشنز مانوال ب 137900
فول اوبشنز اوتوماتيك ب 144990
فول اوبشنز اوتوماتيك هاى لاين 164900


مميزات و عيوب و قطع غيار لسه مش معروفه لانها لسه نازله جديد

انا بقى سؤال لو سمحت بالله عليك انا ادفع المبالغ دى كلها و خصوصا انه مبلغ كبير بالنسبه للسيارات

ادفعه فى عربيه زى دى
http://3.bp.blogspot.com/-Yz9ETYGyWl...llpaper_01.jpg


انا عارف انها و جهة نظر بس دى مش منظر عربيه

على فكره انا ركبتها و شوفتها اقسم بالله كرهت العربيات بسببها
يا باشا عندك 600 موديل و بتمن ارخص
زى السويفت الزيرو او هاتشباك او sx4
و موديلات تانيه مش فاكرهه دلوقتى

هتجيب الكورى باليابانى

فى النهايه ده قرارك و وجه نظرك الشخصيه

انا قولت بس راى لان حرام ادفع المبلغ ده فى عربيه زى دى


جزاك الله كل خير

كل سنه و انت طيب
رمضان كريم

رد: استفسار عن الهيونداي
 

فعلا عندك حق هيا ماتسويش البلغ ده :fun_broken:
لان بالمبلغ ده تتجيب تويوتا كرولا:Wkiss5:

رد: استفسار عن الهيونداي
 

انا متشكر جدا لردك....بس معلش هتقل عليك شوية
هو انت ركبتها كرهت العربيات ليه؟

تاني حاجة انت ايه رايك في المازدا 3 هاتشباك؟

رد: استفسار عن الهيونداي
 

كرهت العربيات لان دى مش منظر عربيه و بعدين تابلوه ايه ده
تابلوه رخم مايساعدش السواق خلال سواقته ابدا عاوز يعمل حاجه لازم يركز علشان يعمل
شكله مش عاطفى اوى

عربيه من الاخر عاجبه الناس علشان اول عربيه 3 باب


بالنسبه للمازدا فبرقبتها و بعدين هتقارن يابانى بكورى


دى صور للمازدا

http://images.thecarconnection.com/l...00189813_l.jpg

http://upload.wikimedia.org/wikipedi..._hatchback.jpg


http://image.motortrend.com/f/contes...-hatchback.jpg



بالله عليك بص منظر دى من دى انت بقى اللى ايه رايك

و الله العظيم الهيونداى دى متجيش ربعها حتى
و غاليه على الفاضى

نصيحتى ابعد عنها
ROSE4UROSE4UROSE4UROSE4UR OSE4U