من تصويري الشخصي هيوانداي سوناتا 2011 حصريا لمصر موتورز
كنت في ابو رواش ولاقيت زحمه داخل قاعة العرض قولت ابص اشوف في ايه وكانت المفاجأة اني شوفت هيوانداي سوناتا الجديدة 2011 والناس عماله تتفرج عليها من بره روحت داخل بقلب جامد وسطيهم وفتحت العربية ونزلت فيها تصوير لما هريتها بس من حظي الوحش ان موبيلي كان قريب يفصل شحن بس فضلت اصور لحد ما الموبيل فصل شحن مش مهم بس ديه فرصه متتعوضش شوفو الصور وقولولي ايه رايكم طبعا ده شكلها الخارجي جميل جدا بس من الزحمة صورته علي 4 مرات تقريبا http://www9.0zz0.com/2010/07/02/06/364186577.jpg http://www9.0zz0.com/2010/07/02/06/717897847.jpg الدريكسيون بتاعها جميل جدا وفيه نقل حركة + و - وفيه زاراير تحكم كتيرة جدا التابلوه بتاعها جميل جدا وفيه امكانيات عالية جدا مجموعة الزراير ديه جنب اوكرة الباب مش عارف وظيفتها ايه بس قولت اصورها بردك انا مش عارف ايه الدواسه اللي جنب البنزين والفرامل ديه تقريبا كدا فرامل يد والله اعلم طبعا ده الفتيس الاتوماتيك بتاعها وده مخبأ سري للكوبيات والكنزات ديه الولاعه وجنبيها مفتاح USB و AUX و IPOD ده الماتور بتاعها حاجه روعه وفاتحته والناس مستغربه ايه اللي انا بعمله ده لدرجة انهم افتكروني مسئول المعرض http://www9.0zz0.com/2010/07/02/06/994261363.jpg تصدقوا فيها فتحتين سقف واحد اودام وواحد ورا وديه صورة وانا قاعد في الكنبية الخلفية وبكدا نكون انتهينا من الصور ومن وموبيلي اللي فصل شحن والي اللقاء في معرض من معارض اونكل غبور وربنا يخليه لينا ودايما كدا ينزلنا عربيات من غير اي اوبشن فيها وديه عربيتي وهيه في العناية المركزة بيعلقولها كلوكوز علشان كان عندها هبوط في اليوم ده من الحر واي خناقة يا رجالة انا في الخدمة |
رد: من تصويري الشخصي هيوانداي سوناتا 2011 حصريا لمصر موتورز
انا شفتها فى معرض فى اسكندرية جحيم وسئلت على سعرها بيقلى 280 الف بس انا اعتقد ان الرقم مش مظبوط لانه كده مبالغ فيه اوى
|
رد: من تصويري الشخصي هيوانداي سوناتا 2011 حصريا لمصر موتورز
corsair باشا انا مش ظاهر عندى ولاصورة غير صورة عربيتك المصون وهى فى العناية المركزة ، جربت افتح الصفحة على كروم وفاير فوكس واكسبلورر مفيش جربت على جهاز تانى برضو مفيش .
|
رد: من تصويري الشخصي هيوانداي سوناتا 2011 حصريا لمصر موتورز
أنا عن نفسى تخيلت الصور
|
رد: من تصويري الشخصي هيوانداي سوناتا 2011 حصريا لمصر موتورز
فين الصور يا كورسير
مفيش صور خالص |
الساعة الآن 01:32 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017