ما هو تفسير سحب بعض الموديلات من السوق
 

بسم الله الرحمن الرحيم
اولا احب اقول وجهه نظرى الشخصيه فى عمليه سحب بعض الموديلات من السوق واهداف هزه العمليه والتى انتشرت فى الاونه الاخيره وما كنا نسمع عنها فى السنوات الماضيه وطالت عمليه السحب الى ماركات عالميه وماركات فاخمه مثل الصانع الالمانى والصانع اليابانى والامريكى وغيرهم
اولا تويوتا هيا اول صانع سحب موديلات كثيره له من السوق لبعض العيوب التى لا يعلم حقيقتها الا تويوتا وتوكيلات تويوتا فى العالم رغم ان كل سيارات تويوتا فى العالم تسير جيدا وبشكل طبيعى جدا واقبال المشترين على الشراء واقتناء تويوتا رغم هزه الضجه وينطبق الحال على كل الصناع السالف زكرهم وتوالى الصانع تلو الاخر بالاعلان عن اخطاء فى التصنيع كاءن هزا الصانع الالمانى مثلا صانع مبتداء او ابن انبارح فى الصناعه
ما السبب ؟
اولا كل السيارات التى تم سحبها هيا فى فتره الضمان التى يوفرها الصانع وغالبا ما تكون 3سنين ازن مشكله سحب السيارات وتظبيطها فى الورش التابعه للتوكيلات الخاصه بيها فى كل بلد ومدينه عمليه غير مكلفه لانها فتره ضمان مدفوعه الحساب سابقا لانه العميل سوف يتردد على التوكيل فى هزه الفتره من وقت لاخر للكشف الدورى والصيانات الدوريه وبالمره يتظبط العيب المدعو
طيب ايه الى استفاده الصانع ؟
فيه حاجه اسمها فى كل شركه او مصنع الحساب الضريبى كل عام على المكسب والخساره فى نفس الوقت
طبعا هنقول ان هوندا مثلا كسبت فى العام المنصرم 1000 دولار والتكاليف هيا هيا بدون زياده ازن هتدفع هوندا من 1000 دولار 200 دولار ضرايب مثلا
لكن لو فجاءه ظهر عيب فى بعض الموديلات وتم سحبها كما يدعون وهزا يضاف الى الخسائر اوالمصاريف الزياده سوف تحسب تكلفه هزه الخسائر كما يدعون ونقول مثلا انها 300دولار ازن هوندا كسبت 1000دولار خسرت 300 دولار فى عمليه السحب ازن حققت مكسب 700دولار وليس 1000 ازن فى عمليه بسيطه وحركه فهلوه للصانع هيدفع ضرايب على 700 دولار وهيا لا تتعدى 150دولار وليس 200 دولار وفى هزه الحاله حقق مكسب من الضرايب 50 دولار وفى نفس الوقت هوا لم يدفع دولار واحد من ال 300 دولار السابقه زكرها كخساره لانها فى فتره الضمان كده كده وهنا مربط الفرس فلوس كتير
بالبلدى كده نقول هوا تحايل قانونى على الضرايب والتهرب من الضرايب بطريقه قانونيه
دى وجهه نظرى الشخصيه فقط
واسف على الاطاله

رد: ما هو تفسير سحب بعض الموديلات من السوق
 

لأن بأختصار بيكتشفو ان العربيات دى ممكن تموت اصحابها بسبب العيوب اللى فيها وعندنا فى مصر التقفيل المصرى اللى الكل بيعانى منة ودة سبب سحب العربيات من السوق المصرى بالذات

رد: ما هو تفسير سحب بعض الموديلات من السوق
 

بس حضرتك الى نعرفه فى صناعه السيارات عموما انه اى موديل جديد هيتصنع بيتعمل من نسخه اولى تجريبيه فى المصنع وفى الشارع وفى كل الظروف وبيتعمل عليها كل الاختبارات السلامه وغيره وعيره من الاختبارات وبعد التقيمات تطرح السياره فعليا للتصنيع ومنها للسوق طيب هما ما اكتشفوش العيب ليه فى فتره الاختبار واشمعنا بعد طرحها فى الاسواق ايه ياترى
حسب علمى انه فى مصر اى سياره تطرح للبيع فى مصر لا تسحب نهائيا من السوق حتى لو قالوا ان فيها عيوب الا سياره واحده بس صينيه وهيا ماهدير تقريبا واقفوا استيرادها فقط هيا دى بس لكن غير كده ما سمعت نهائيا انهم سحبوا اى موديلات عالميه من الموديلات الى قالوا عليها فى الاعلام انها بيها عيوب ويجب سحبها ايه ياترى

رد: ما هو تفسير سحب بعض الموديلات من السوق
 

ربما تقصد ماهيندرا سكوربيو ...للاسف لم اسمع اخبار عن وقف استيرادها !!ROSE4U

رد: ما هو تفسير سحب بعض الموديلات من السوق
 

بالظبط هيا ماهيندرا الجيب الى محدش عارف اصلها ايه وشكرا يا باشا على التوضيحROSE4U بس انا شوفت الخبر على موقع الاخبار المصرى من كام شهر كده ROSE4U