ارجو النصيحه . E200 اوC200اوC180
السلام عليكم ورحمة الله وبركاتة.
انا معايا مبلغ فى حدود 160 الف. وعاوز ان شاء الله اشترى عربية مرسيدس يا اما . E200 مو2000 او C200مو2003 او C180مو2005 ايهما افضل من الموديلات دى . ولكم جزيل الشكر. |
رد: ارجو النصيحه . E200 اوC200اوC180
شوف ياباشا انا عن نفسى لو هشترى عربيه مرسيدس ليا يبقى هشترى E200 مو2000
عربيه من الاخر صراحه وعربيه محترمه جدا ومعمره اكتر من الموديلات الجديده منها . لكن حضرتك لو تحب عربيه خفيفه عن كده شويه وروشنه وشبابيه شويه عن موديل ال اى كلاسه يبقى خليك فى C180مو2005 مع العلم ان فيه فرق بين العربيتين من ناحيه سعه المحركات وعدد الاحصنه لدى السياراتين طبعا موديل E 200 سعه المحرك 2000 سى سى ب136 حصان وموديلC 180 سعه محركه 1800 سى سى بقوه 122 حصان وربنا يوفقك للاختيار الاحسن |
رد: ارجو النصيحه . E200 اوC200اوC180
العضو الكريم : mainz اعطاك افضل اجابه عن سؤالك بكل المعلومات
ما يتبقى الان هو رغبتك الشخصية والى اين يميل إختيارك موفق إن شاء الله الى كل الخير :Wkiss5: |
رد: ارجو النصيحه . E200 اوC200اوC180
اقتباس:
|
رد: ارجو النصيحه . E200 اوC200اوC180
شكرا جزيلا على النصيحة الطيبة . وجزاكم الله خيرا
وياريت لو اعرف من حضراتكم الفرق بين c180 وc200 طبعا بخلاف قوة ccطبعا 2000 لل c200 و1800cc للc180 فى فرق فى ايه ثانى وافضل مودل سنة ايه بالضبط من 2002 الى 2005 وقطع غيار الفئة c ارخص ام الفئة e العيون ؟ لانى لم امتلك مرسيدس من قبل ولا اعرف شىء عنها لو تكرمتم .. واسف للاطالة. ولكم جزيل الشكر.... |
رد: ارجو النصيحه . E200 اوC200اوC180
اقتباس:
ال اى كلاسه اكبرواوسع فى الحجم يعنى عربيه عائليه من الدرجه الاولى وهيا اكبر من ال سى كلاسه واتقل منها ومتورها كبير واستهلاكها اكتر من ال سى كلاسه . غير بقى تقريبا قطع الغيار متقاربه فى السعر وعموما قطع غيار المرسيدس اغلى نسبيا عن عربيات كتير فى السوق. وطلما حضرتك ان الواحد غاوى مرسيدس يبقى ما يسئلش على قطع غيارها واسعارها لانه معروف ان المرسيدس غالى عموما . اما بالنسبه لافضل موديل . اكيد كل موديل هوا افضل فى سنته يعنى موديل 2002 افضل موديل فى سنه انتاجه وهكزا الموضوع ده ممكن نكلم فيه لو حضرتك هتشترى العربيه زيرو لكن حضرتك هتشترى مستعمل يبقى حاله العربيه هيا الى هتحكم ان كان موديل 2002 افضل ام موديل 2005 افضل زى ما قلنا حسب حاله العربيه ومتور العربيه لكن انا ارجح موديل 2005 لو حالتها كويسه وسعرها كويس لانها احدث من 2002 . لكن ميزه موديل 2002 الوحيده هيا ان العربيه مبنيه على الشاسيه القديم بتاع ال سى كلاسه وده ليه ميزه وعيبه كمان فى نفس الوقت يعنى تقل الشاسيه بيكون سبب فى استهلاك عالى للبنزين والميزه انه يعتبر من اتقل واقوى شاسيه للمرسيدس فى موديل السى كلاسه . وتقبل تحياتى |
رد: ارجو النصيحه . E200 اوC200اوC180
السلام عليكم ورحمة الله وبركاتة. انا متشكر جدا لحضرتك يا بشمهندس mainz وجزاك الله خير واكثر من امثالك. وربنا يوفقك ويوفقنا الى الخير ...:CONGRA~238: |
الساعة الآن 07:20 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017