مصر موتورز مجتمع السيارات
صفحة 1 من 4 1 234
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   Hyundai Elantra - النترا (https://www.masrmotors.com/vb/forumdisplay.php?f=134)
-   -   اشتريت النترا 2010 ولكن اتحسرت ؟!!! (https://www.masrmotors.com/vb/showthread.php?t=14653)

أمنية فتحي 22-10-2009 10:49 PM
اشتريت النترا 2010 ولكن اتحسرت ؟!!!
 
يا جماعه انا جبت النترا 2010 فتحت سقف فقط ضمان الوكيل لسه من امبارح

واتحسرت حسره فظيعه جيت اشغل التكييف لقيته مش شغال الا علي 4 اقصي حاجة و 1 و 2 و 3

لا


المشكله دي كبيره ولا اعمل ايه؟؟؟؟؟؟؟؟؟ اتصلت بصاحب المعرض قالي التوكيل انا لحقت اتهني بجد انا في قمه الحسره وعندي يئس فظيع واحبط لأني جبت زيرو عشان اخلص من مشاكل المستعمل لأن كان معيا عربيه قبلها ورتني الويل ويوم ما اجيب زيرو يحصلي كده اعمل ايه بس ياربي ...........بجد انا اتخنقت واتعقدت من العربيات

s.hassan 22-10-2009 10:58 PM
رد: اشتريت النترا 2010 ولكن اتحسرت ؟!!!
 
قولي الحمد لله و قدر الله و ماشاء فعل، وان شاء الله تطلع حاجة بسيطة...

أبو هنا

me2 22-10-2009 11:04 PM
رد: اشتريت النترا 2010 ولكن اتحسرت ؟!!!
 
ايه التشاؤم ده
أنا مش من مشجعي الهيونداي بس واحد زميلي جاب الانترا 2009 و مريحاه جدا و بيحمل عليها جامد لدرجة اننا بنقوله حرامك عليك
و عيب زي الكونترول بتاع التكييف حاجة تافه و مش مستاهله ده كله
معتقدش هتاخد دقيقتين في التوكيل ده بالمره مع صيانة الخمس تلاف أة العشر تلاف

أمنية فتحي 22-10-2009 11:31 PM
رد: اشتريت النترا 2010 ولكن اتحسرت ؟!!!
 
انا ما زلت من عشاق الالنترا ومش بكرها بس مخنوقه برضو هوه فعلا سبب تافه؟

horas3000 22-10-2009 11:43 PM
رد: اشتريت النترا 2010 ولكن اتحسرت ؟!!!
 
ان شاء الله خير
انا راي تروحلي للتوكيل فورا و تخليهم يحلولك المشكلة و يستحسن تاخدي حد معاكي نفسة طويل و عنده استعداد لتعلية الصوت و الخناق في حالة حصل اي استهبال منهم. و بلاش تستني لصيانة الالف او الخمس تلاف لحسن يسوقوا فيها و يقولك سوء استخدام او اي كلام فارغ.

عموما اطمئني و اهدي و ان شاء الله هتطلع حاجة سهلة و تعملوها و انت واقفة و الف مبروك علي العربية

sam ram 22-10-2009 11:46 PM
رد: اشتريت النترا 2010 ولكن اتحسرت ؟!!!
 
حضرتك بيبقى عندك صيانه مجانيه عند ال 1000 او ال 1500
ودي بيشيكو فيها على العربيه كلها و يغيرو الزيت ويربطو عفشه و يشوفو اي ملاحظات ليكي
ولو الموضوع مضايقك اوي خديها بكره الصبح لغبور ابو رواش او قليوب
طالما العربيه لسه جديده و فيها عيب ميقدروش يفتحو بقهم و لو حد فكر بس يقولك ميعاد و لا استني لصيانه الالف ادخلي فيهم شمال على طول و ان شاء الله تكون حاجه بسيطه و تخلص و حضرتك واقفه

بس نصيحه لأي حد يشتري عربيه زيرو يجرب كل حاجه فيها حتى نور الشنطه

mostafa2000 22-10-2009 11:53 PM
رد: اشتريت النترا 2010 ولكن اتحسرت ؟!!!
 
انا معاكي انها حاجة تضايق جدا ان الواحد يشتري عربية زيرو بالضمان ويلاقي فيها مشكلة
بس طبعا ما تسكتيش وروحي للتوكيل وهما لازم يحلولك المشكلة
وان شاء اللة تتحل لانها اكيد مش عيب صناعة ممكن يكون حاجة بسيطة في كنترول سرعات المروحة وابقي طمنينا


الساعة الآن 11:40 AM.
صفحة 1 من 4 1 234
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017