ما كمية الزيت للفيرنا عند تغيير الزيت والفلتر
 

يعنى الصراحة انا احترت ما هى كمية الزيت للفيرنا 1600 عند تغيير الزيت والفلتر

رد: ما كمية الزيت للفيرنا عند تغيير الزيت والفلتر
 

بص انا بوديها عند الراجل حوالى 3 لتر ونصف بس تانى يوم بقيس الزيت ولازم ان شاء الله يكون مضبوط عند علامة ماكس النقطة التانية اللى فوق لو قليل بزود ولو كتير ضرورى تنقص
اية بقى اهم شئ فى الموضوع الفلتر دا ضرورى من التوكيل يا جماعة انا الوقتى شغال فى توكيل غبور اللى فى السويس وصدقونى بالذات قلتر الزيت هاتة من التوكيل ب 29 جنية مش هتخسر لكن التقليد او اللى بيقولك الاصلى دا بيبقى الكرتون بتاعة اللى جوة تعبااااااان ملة انا شوفتة لما قصناة بالصاروخ

رد: ما كمية الزيت للفيرنا عند تغيير الزيت والفلتر
 

يعنى يا باشا تغيير الفلتر والزيت 3.5 لانى بحط الجركن كله

رد: ما كمية الزيت للفيرنا عند تغيير الزيت والفلتر
 

انت بتعمل اية بس الجركن كلة ازاى مستحيل طبعا يبوظ الطرمبة بتاعت الزيت ويبهدل الدنيا هو الجركن اللى عندك 4 لتر صح
ارجوك روح الصبح قيس الزيت ولازم ان شاء الله يكون عند النقطة اللى فوق max
الباقى نزلة فورا وقيس تانى لحد ما تظبط
بس لو ممشيتش كتير عليها يعنى مثلا 1000 الى 2000 كيلو عادى فضى وخلاص وقولى انت لية سالت عن المقاس هل لاحظت حاجة فى العربية

رد: ما كمية الزيت للفيرنا عند تغيير الزيت والفلتر
 

3.20 ليتر بالفيلتر

رد: ما كمية الزيت للفيرنا عند تغيير الزيت والفلتر
 

فعلا لقيت فوق الماكس ونزلت الزيت وحطيت 3.5 بالفلتر ولقيت المقياس مظبوط
وقولى انت لية سالت عن المقاس هل لاحظت حاجة فى العربية
لانى لاحظت ان العربية مخنوقة على الاخر بالرغم ان مغير فلاتر ومظبط الصيانة وكمان وانا بقرا الكتالوج بالصدفة لقيته كاتب ان تغيير الزيت بالفلتر 3.3 فحسيت انى حمار بزيادة :12F099~16:
بس المشكلة من اول لما جبت العربية وان بعمل الحركة العبيطة :fun_3_4_2v[1]: دى بس الحمدلله موش حاسس بحاجة غلط هل الاثار حتبان بعدين ارجو الاجابة رجاءا

رد: ما كمية الزيت للفيرنا عند تغيير الزيت والفلتر
 

راجع على الاويلسيلات بتاعه العربيه و اتاكد ان مافيش حاجه منها بترشح زيت لو تمام يبقى الحمد لله مافيش اضرار