حدثة وربنا ستر
اللى كان هيعمل حدثة وربنا سترها معاه ياريت يقول لنا عليها حتا نستفيد من الموقف وانا شخصيا كنت ماشى مرة فى طريق الاوتواستراد كنت نازل من الدائرى على سرعة 180 وعند صعودى على احد الكبارى كانت الفواصل بتاعت الكبرى بترفع العربية من ورا ولما حبيت اهدى بفرامل اترفعت العربية من الخلف وفضلت تعوم شمال ويمين رفعت رجلى من على الدوسات ومسكت الدركسيون جامد جدا لدرجة انى وقفت حتى نزلت العربية من فوق الكوبرى وهديت والحمد لله ربنا سترها وكان نوع السيارة النترا 2010 ركنت العربية بعد ما وقفت ونزلت قعد على الرصيف والحمد لله |
رد: حدثة وربنا ستر
موضوع جميل والحمد لله على سلامتك اولا وسلامة العربية ثانيا
مرة كنت مع صحابي رايحين كارفور "الاسكندرية" واخدت الطريق الدائري هو ضلمة بس حلو مفيش مطبات و تقاطعات "طريق سريع" المهم فوجئت بعربية بيجو بيضا بيلف U TURN قلبت نور وكلاكسات ودة راح لف ووقف فى نص الطريق بس وبصة فى المراية اللي فى النص و فرااااااااااااااااااااااا ااامل وقفت قبل ما اخبطه و شغلت الانتظار و كملت واحدة برضة بتعدى الطريق فجأه فى النهار و مكانتش مقدرة السرعة والمسافة لاقيت نفسي اتوماتيك فرامل و كسر يمين الحمد لله مكنش حد جاي يمين والبنت كالعادة اتسمرت فى نص الطريق |
رد: حدثة وربنا ستر
اقتباس:
حمدلله على السلامة |
رد: حدثة وربنا ستر
الحمد لله ربنا ستر:Wkiss5:
|
رد: حدثة وربنا ستر
ربنا يسترها معانا فى الطريق .......... جميعا ............ يارب العالمين
معظم الحوادث من : - السرعه الزائده التهور فى القياده الاستهتار فى القياده |
رد: حدثة وربنا ستر
الحمد لله ربنا يسترها كنت راجع من فرح بالليل متاخر وماشي في طريقي عادي جدا والطريق كله ضلمه وافوجئ بعربيات ماشيه في نفس اتجاهي بس في طريق مخالف حسيت اني لوحدي الي ماشي في اليمين والرايح والجاي في الشمال وكنت علي 120 وفجاءه لقيت فحت بعرض الطريق الي انا فيه كله الحمد لله ربنا سترها ولحقت نفسي وروحت شمال وبقيت ماشي زي الناس في المخالف |
رد: حدثة وربنا ستر
انا مش عارف الناس بتجيب السرعات دي بالعربيات دي في الطرق دي لية !!
حمد لله على السلامة |
الساعة الآن 08:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017