مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   Hyundai Elantra - النترا (https://www.masrmotors.com/vb/forumdisplay.php?f=134)
-   -   يعني كده شربنا مقلب النترا 2012؟؟؟ (https://www.masrmotors.com/vb/showthread.php?t=79724)

dr_pediatrics 13-02-2012 12:46 PM
يعني كده شربنا مقلب النترا 2012؟؟؟
 
هل كده احنا شربنا مقلب في النترا 2012؟
تزيييق بلاستيك الابواب؟
العفشة مش قد كده؟
الكراسي احيانا بتزيق
=====
هل ده عادي يا جماعه؟؟؟ هل في عربيات كتير؟ انا بجد متضايق جدا وقرفان حاسس ان كمان العربية بتتلخلخ وتترج في المطبات
انا خايف مع الوقت صوت التزييق يزيد والعفشة تبوظ اكتر والاقي نفسي كاني راكب 128
حد يطمني يا جماعه انا دافع 116 الف كاش في النترا 2012 مانيوال

MmFFoR 13-02-2012 01:11 PM
رد: يعني كده شربنا مقلب النترا 2012؟؟؟
 
يا خبر بتنجاني و فحلقي

eslammarouf 13-02-2012 01:40 PM
رد: يعني كده شربنا مقلب النترا 2012؟؟؟
 
سامحنى
مش عارف انا عندى احساس ان الالنترا الجديدة شكل ومنظر على الفاضى لا اخويا جايبها كاملة خليجى
لكن والله انا اعتقد ان الموديل القديم 2008 - 2009 -2010 -2011 برقبته
والله اعلى واعلم
(صورة)(صورة)

soltanfriend 13-02-2012 01:43 PM
رد: يعني كده شربنا مقلب النترا 2012؟؟؟
 
انا هن نفسى ركبتها جنب واحد صاحبى وبسم الله ما شاء الله كأنى راكب فى طيارة وما سمعتش صوت تزييق ولا صوت مطبات رغم ان الشوارع عندنا فى بورسعيد مكسرة جدا
وهو عربيته جاية بالجنط الكبير بتاعها
انصحك ظبط كاوتشك بالهيدروجين لأنه بينعم الفرد اوى فى المطبات ودا انا عاملها فى عربيتى وفارقة جدا مع الجنط ال16
وبالنسبة للأبواب فأنت ممكن تروح لسروجى محترم وهو يا اما يربطها كويس او يحطلها تخشينة مثلا , انا فى عربيتى كان فيه تزييقة كدا وحطيت لزق دبل فيس على الحروف وركبت عليها الفرش الداخلى للأبواب وظبطت الحمد لله

dr_pediatrics 13-02-2012 01:50 PM
رد: يعني كده شربنا مقلب النترا 2012؟؟؟
 
انا فعلا قالولي علي تظبيط الهيدروجين بس انا كنت مقلق ان لو فرده هوت وجيت احط استبن هوا هل عادي؟ ولو مالقيتش هيدروجين ممكن ازود هوا في بعض الفرد وفرد تكون هيدروجين
بالنسبة لتزييق البيبان يعني ده عادي فعلا؟ مش عيب جامد ويقلل من اسهم الانترا 2012؟؟

khaabas 13-02-2012 01:54 PM
رد: يعني كده شربنا مقلب النترا 2012؟؟؟
 
اقتباس:
المشاركة الأصلية كتبت بواسطة dr_pediatrics (المشاركة 615641)
انا فعلا قالولي علي تظبيط الهيدروجين بس انا كنت مقلق ان لو فرده هوت وجيت احط استبن هوا هل عادي؟ ولو مالقيتش هيدروجين ممكن ازود هوا في بعض الفرد وفرد تكون هيدروجين
بالنسبة لتزييق البيبان يعني ده عادي فعلا؟ مش عيب جامد ويقلل من اسهم الانترا 2012؟؟
ياعم عيب ايه متوهمش نفسك العربية ما شاء الله ممتازة حافظ بس على مواعيد الصيانة وقالهم على التزييق ده بس ده عادى موش كارثة ولا حاجة

holly_man19 13-02-2012 03:33 PM
رد: يعني كده شربنا مقلب النترا 2012؟؟؟
 
انا معايا العربيه والحمد الله وبسم الله ما شاء الله عربيه حلوه جدا لا فيها تزيق ولا حاجا التزيق كنت اسمعه لما كنت حاطط النظاره في الجراب بتاع النظرات واما اخدت بالى شلتها ومسمعتش تزيق فيها خالص تانى ومن ناحيه العفشه مع الاستعمال بتتظبط وانا العفشه دلوقتى زى الفل بس طبعا فرق كتير اما ريحت العجل بهوا عادى مش ناايتروجين يعنى المشاكل الى عندك علي ما اعتقد انها مشاكل فرديه واتمنى انك تحلها وتكون حاجه بسيطه
تقبل تحياتى


الساعة الآن 01:03 PM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017