مصر موتورز مجتمع السيارات - باركولى على الالنترا يارجاله

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - باركولى على الالنترا يارجاله (https://www.masrmotors.com/vb/showthread.php?t=18935)

رد: باركولى على الالنترا يارجاله

اقتباس:

المشاركة الأصلية كتبت بواسطة wst (المشاركة 124352)

يا ريت أنا محتاج نصيحة لله لأنى هأشترى خلال يومين أجيب النترا ولا سيراتو ولا صنى

بانتظار النصيحة على وجه السرعة

انا قلتلك تجربتى للالنترا والسيراتو
السيراتو هايله اوبشنز بعبط وثبات عالطريق وشكل تحفه كنت هاجيبها بس
الالنترا لقيتها عفشه انعم والااوبشنز الزياده مش لازمه معايا بصراحه
وفرق السعر فى اللى انا عايزه حوالى 13 الف جنيه او يزيد هاتفرق معايا طبعا لو هاشترى كاش زى مانا عملت
ففضلت الالنترا عربيه محترمه وسعرها معقول ولو هاتشترى الحق قبل العرض مايخلص على اخر يناير واستفيد بفرق ال3 الاف جنيه
اما الصنى مع احترامى للعربيه بس انا بحس انها عربيه كلاسيك طحن وقعدت فيها فى المعرض حسيت انى داوود افندى رئيس قسم الاارشيف

رد: باركولى على الالنترا يارجاله

اقتباس:

المشاركة الأصلية كتبت بواسطة سمرى فتحى (المشاركة 124395)

الف مبروك بس جبتها لونها ايه

الله يبارك فيك ياسمرى باشا اللون نبيتى حسيت انه مش منتشر قوى زى بقيت الالوان فى الالنترا
وبعدين اللون البتنجانى اتخطف حتى من عند غبور الطلب عليه كتير قوى

رد: باركولى على الالنترا يارجاله

اقتباس:

المشاركة الأصلية كتبت بواسطة Bendary (المشاركة 124312)

الله يباركلك فيها ويديك خيرها ويكفيك شرها وشر المستخبى وشر الطريق وشر المطبات والمنحنيات وامناء الشرطة والميكروباصات
رجاء : اجعلها اداه فى طاعة الله

بس ياريت تقولى اللانوس كانت تعباك فى ايه فى الوقت الاخير عشان انا معايا لانوس 2010- ويمكن من تجربتك اتعلم .

الله يبارك فيك مبروك انت على اللانوس وبعدين اللى معاك غير اللى كانت معايا شغاله من 10 سنين طحنتها سفر وخدمه شاقه
اقولك على حاجه احسن دعايه للانوس اللى كنت باعمله بيها وعربيه فى المناورات عسل بس فى المدن مش فى السفر
بس بيتهيالى اللى معاك مش دايو دى من شيفورليه
اللى كانت معايا كانت لانوس وان كورى مش تقفيل مصرى

رد: باركولى على الالنترا يارجاله

حد عايز يسالنى على حاجه؟؟ انا تحت امركوا يارجاله

ايوه بيبس حاجه ساقعه شيبس

رد: باركولى على الالنترا يارجاله

اقتباس:

المشاركة الأصلية كتبت بواسطة king mimo20 (المشاركة 124216)

الف الف مبروك يا زعيم وعقبال متجيب الجينسيس ان شاء الله

شكرا ياميمو باشا