رد: تسقيف حراره ولا بنزين ولا كهربا
بص ياباشا انا لسه جاى من عند العربيه افتكرت حاجه كدا ونزلت بصيت عليها
قربه الميه والريداتير مليانين زيت يعنى الميه مختلطه بالزيت يعنى الجوان في الباي باي صح كدا وربنا يسهل انا هاروح علي اساس انى اغير جوان بس لو الجوان بايظ هو اللي ممكن يعمل كل دا ؟؟؟؟ ولا الجوان ممكن يكون اثر عل الوش كمان وكدا اكون عرفت الزيت بيروح فين بيضيع في الريداتير والقربه بس اكيد مش كله يعنى فيه زيت تانى بيخرج صح ؟ ياريت تصححولى كل دا اجتهدات |
رد: تسقيف حراره ولا بنزين ولا كهربا
طالما الزيت دخل علي الميه يبقي بيعدي من حتة ضغط الزيت فيها اعلي من ضغط الميه و ده نادر الحدوث بس بيحصل فكده ممكن يكون تلف الوش هو الي بوظ الجوان
|
رد: تسقيف حراره ولا بنزين ولا كهربا
طب معلش استفسار
هو هيغير الوش والجوان علي طول وانا واقف وهيشيل من الوش القديم يحط في الجديد بس كدا العمره بس هي اللي فيها تلين وتغير زيت وكدا صح |
رد: تسقيف حراره ولا بنزين ولا كهربا
الاول انا نسيت اجاوب علي سوئالك ان لو ال airmass هو السبب ليه مبيظهرش التسقيف غير لما توصل لدرجة حرارة التشغيل الطبيعية ؟
اولا كده كده لازم الماتور يسخن حتي لو لدرجة التشغيل الطبيعية و ده علي الاقل مش قبل ربع ساعة و بعدها لو فيه تسقيف ممكن يظهر ثانيا العربية و هي باردة بتبقي نسبة البنزين للهوا عاليه و ده صعب يحصل معاه تسقيف بالنسبة للوش طبعا لما حيتفك حيبان المطلوب عمله يعني هل مقفع و لا مسوس و علي حسب مدي سوء الحالة حيبقي قرار الاصلاح او التغيير و طبعا الكلام ده مش محتاج تليين |
رد: تسقيف حراره ولا بنزين ولا كهربا
الف شكر ليك يااحمد
انا رايح عل الساعه 3 كدا وهابلغكم غدا ان شاء الله انا عملت ايه ادعولى بقا الموضوع يطلع بسيط |
الساعة الآن 09:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017