مصر موتورز مجتمع السيارات - اول تجربة مع توكيل غبور فى صيانة الألف الاولى

اقتباس:

المشاركة الأصلية كتبت بواسطة hunday (المشاركة 58793)

الزحام جامد جدا فى صيانة غبور اللى في أول الدائرى فى ميت نما وبصراحة اليوم بيضيع ولابد من إيجاد حل لهذه المشكلة لأنه بعد الألف الأولى غالبية العملاء سيذهبون إلى أى ميكانيكى
كمان غالبية الميكانيكيين الموجودون فى المركز لايفحصون السيارة كما ينبغى
يافرحتى أغير زيت فقط وبعد أربع ألاف أغير فلتر أى ميكانيكى يعرف يعمل الحاجات دى لازم يكون فيه ضمير ومراقبة

أرجو تليفونات مركز صيانة ميت نما

محسن عبد الفتاح

انا معاك يا أ/ محسن مليون في الميه في كلامك
انا لسة راجع حالا من غبور اللي في قليوب
المكان هناك عنوان للاهمال، نبدأ من مهندس الاستقبال اردت ان اضبط زوايا "بجانب صيانة ال 30 الف كيلو" فقال لي ان الجهاز به عطل اليوم!!
مع العلم اني في صيانة ال 20 الف عندما اردت ضبط زوايا ايضا قيل لي ان اليوم ازدحام رهيب وسيؤخرك هذا ساعتين اخرى!!!
يبدو ان ليست لديهم اجهزة ضبط زوايا..
في الاستراحة دخلت الحمام، لاجد انه لا يوجد به صابون.. في قسم الحسابات "فوق الشباك" ورقة مكتوب بها ان ماكينة الفيزا معطلة.. صندوق الاقتراحات والشكاوي عبارة عن صندوق بلاستيك شفاف لذا ما بداخله واضح، كان به "منديل" مستعمل!!
حتى البوفيه لم يسلم من سلسلة الاهمال، فلا يوجد ساندوتشات ولا يوجد "بيبسي" فقط بعض المشروبات القليلة وبعض اشياء "الكانتين".
كل هذا لا يهم اطلاقا ولكني اؤمن ان هذه الاشياء تعبر عن ما لا تراه باسفل بالصيانة.
اذا كان ما تراه هكذا فكم بالاجدر ما لا تراه؟
وبالفعل بدات مراقبة سيارتي من الاستراحة وجدها مركونة اكثر من ساعة ولا حد جه جنبها، بعد ما ابتدوا يشتغلوا فيها لاحظت ان العجل الامامي لم يحل للكشف وتنظيف التيل الامامي، فنزلت وكلمت عامل الصيانة فكان بيننا هذا الحوار:
انا: مانظفتش ليه التيل الامامي
العامل: هو التيل بيتنظف؟!! ايه في التيل بيتنظف بالظبط؟!!!
"بعد مقاوحة مني"
العامل: مافيش مشكلة هانظفهولك! "طيب ما كان من الاول" بس المادة اللي بتنزل منه "واشار على المادة اللي نزلت من تنظيف التيل الخلفي فقلت في سري امال بتقول ليه مابيتنظفش" المادة دي بتجيب سرطان!!!!!!!!!!
انا في سري: وانا مال اهلي انا مشكلة سلامة العمال دي مشكلة الشركة
انا ضاحكا: طيب ايه الحل؟ مالهاش حل
العامل: لا يا باشا ما انا قلت لك هانظفهولك، بس هو اصلا ليه مادة بتتباع علشان يتنظف بيها
انا ذاهلا: وبعدين؟ يتنظف فين بالمادة دي؟
العامل وقد فهم قصدي: هنا برده، بس هي مش موجودة عندنا، مابقاش يجي!!!
ملحوظة كان يجب ذكرها في اول كلامي: يوجد صوت كركبة في السيارة من الامام منذ شرائها ولم يستطيعوا معرفة سببه او حلها!

الاستنتاج النهائي: لا يوجد ادارة بهذا المكان من اوله لاخره والاهمال على اخره، ولا يوجد طائل من النقود التي ندفعها هناك، كل اللي عملوه تنظيف تيل خلفي وامامي بعد المقاوحة "بدون ان يحله!" وتنظيف الفلاتر بالهواء!
المبلغ المدفوع لكل هذا: 235 جنيه!!!!!!!!!!