مصر موتورز مجتمع السيارات - الصيني مش وحش ... برجاء عدم الافتاء دون علم ؟؟؟

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - الصيني مش وحش ... برجاء عدم الافتاء دون علم ؟؟؟ (https://www.masrmotors.com/vb/showthread.php?t=41690)

رد: الصيني مش وحش ... برجاء عدم الافتاء دون علم ؟؟؟

فعلا كلام صاحب الموضوع جميل وياريت اللى يفتى يكون بناءا عن تجربه شخصيه مش واحد داخل عامل فيها ابو العريف ويشوط فى الكل وهو اصلا ميفهمش الالف من كوزالدره فى العربيات أهو من باب خالف تعرف ..........على العموم مش كل العربيات خاليه من العيوب والعيوب اللى فى العربيات الصينى نسبيه برده ذيها ذى اى ماركه تانيه..... شوف الاسبرانزا انتشرت اذاى بجميع موديلاتها وشوف الbyd وشوف الجيلى ومع ذلك يطلعلك واحد ويقولك العربيات الصينى ذى لعب الاطفال طب يعنى أنت اللى بتفهم والناس اللى شاريا العربيات دى مبتفهمش .......حاجه غريبه

رد: الصيني مش وحش ... برجاء عدم الافتاء دون علم ؟؟؟

على فكره العربيات الصيني من رأيي صفقه خاسرة و انا مستني كل اللي بيدافعوا عنها لما حييجوا يبيعوها بعد كام سنه حيقولوا ايه و الجاك انا مجربها في الربع نقل و عارفها

رد: الصيني مش وحش ... برجاء عدم الافتاء دون علم ؟؟؟

السيارات الصينى الى الان ........
لم تحقق النجاح المطلوب
الى الان لم تثبت الكفاءه فى السوقايه ياترى

رد: الصيني مش وحش ... برجاء عدم الافتاء دون علم ؟؟؟

اقتباس:

المشاركة الأصلية كتبت بواسطة mmffor (المشاركة 304321)

عايز اسال حضرتك سؤال
هل لما نزلت الهيونداى ف 93 تقريبا حد كان يعرف عنها حاجة
هل لما نزلت دايو ف 98 حد كان يعرف عنها حاجة
والان اصبحت هذه السيارات ذات شأن مع التطوير المستمر فيها
هل من 4 سنوات السيارات الصينى التى كانت تباع هى نفس السيارات التى تباع الان ؟
اعتقد لا
فى تطوير وتحديث ولازم هيجى يوم وقريب جدا 90 % من سيارات الشعب صينية
للرفاهية والامان والشكل واخير السعر
تحياتى

رد: الصيني مش وحش ... برجاء عدم الافتاء دون علم ؟؟؟

اقتباس:

المشاركة الأصلية كتبت بواسطة walidelwahsh (المشاركة 303838)

طبعا اهم حاجة عدم الافتاء في اي حاجة بدون علم ... مش بس السيارات الصيني
بس فيه حاجة مهمة جدا الا وهي اعتقد الناس بتقول رايها في الصيني بأنة وحش لسببين مهمين
الاول : فية ناس ماجربتش العربيات دي وتبني كلامها على منتجات صينية اخري كلنا عندنا في البيت كل حاجة صيني من عدد تليفونات لغاية العاب الاطفال للفوانيس كله صيني المهم انت في البيت لما حاجة من دول تعطل مابتنفعشي تاني...يعني ترميها وتشتري غيرها ودا يودينا لسبب التاني
التاني: مرة كنت باسمع الراديو كانت واحدة مزيعه تسال مسئول التجارة في السفارة الصينية في مصر بانة الناس بتشتكي من الصيني وانة سئ وبيبوظ بسرعه المهم الراجل رد عليها قالها انتم هنا عندكم مناطق شعبية بتبيع حاجات رخيصة زي مثلا العتبة وفية مناطق بتبيع حاجات غالية زي مصر الجديدة وكدا يعني احنا كمان عندنا في الصين كدا يعني مناطق فيها بضاعة رخيصة واماكن فيها بضاعه غالية جدا بتتصدر لامريكا واوروبا وعمر ماحد اشتكى منها هناك فللاسف التجار المصريين عايزين يكسبو من الهوا فيروح المناطق الرخيصة ويجيب بضاعه رخيصة عشان يكسب كتير
هو دا مربط الفرس
يعني الصين بتعمل حاجات رهيبة ومن ضمنها طبعا العربيات بس التوكيلات اللي هنا في مصر بتستورد اسوأ وارخص حاجة هناك وتنزل هنا بعيوبها ومش مشكلة طالما صاحب التوكيل هايعمل ثروة من دا وطظ في الناس الغلابة ومش مهم فلوسهم تضيع في حاجات ممكن تكون احسن بكتير من اللي ياخدوة وبفارق سعر مش كتير عن المنتج الاونطةANAA7TG
اتمنى اني اكون وضحت كلامي بالنسبة للصيني...

رد هايل جدا
ونفسى اقول للاخوة الذين يعارضون السيارات الصينى
انت فى بيتك كام جهاز صينى ؟