مصر موتورز مجتمع السيارات - تقرير عن الالنترا بعد صيانه الالف كيلو

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - تقرير عن الالنترا بعد صيانه الالف كيلو (https://www.masrmotors.com/vb/showthread.php?t=20480)

رد: تقرير عن الالنترا بعد صيانه الالف كيلو

[quote=mesho70;135829]بداية مبروك على العربية وربنا يديك خيرها ويكفيك شرها

وعن تجربة بلاش السرعة لانى اعلم تماما ً ان العربية الالنترا

كما يقال عنها " بتحب الجرى " كما انى اتقلى من اكثر من واحد

معاة النترا انها بعد ال 160 بتبقى خفيفة جدا ً ( وانا شايف ان دة

بيحصل فى كل العربيات )

كما ان الجرى مش عربية وسواق بس لكن اهم منهم الطريق

ونحن والحمد لله فى مصر لدينا طرق ما انزل الله بها من سلطان

ومنحنيات غريبة الشكل والتصميم وربنا يسترها علينا جميعا ً[/

الله يبارك فيك ياميشو
والله عندك حق الطرق المصريه حاجه تكسف خصوصا الطرق الصحراويه قال وبيقولك طرق سياحيه حد ييجى يشوف طريق طابا المعفن عامل ازاى
ان شاء الله مش ناوى اجرى بجنون تانى انا بس كنت باجرب والحمد لله عرفت امكانياتها

شكرا ليك ياميشو

رد: تقرير عن الالنترا بعد صيانه الالف كيلو

اقتباس:

المشاركة الأصلية كتبت بواسطة beroradiology (المشاركة 135837)

انا لى راى فى موضوع الثبات على الطريق
العربيه عامله معا يا لغايه دلوقتى 21000 كم
انا شايف ببساطه جدا ان العربيه كويسه للاسباب الاتيه
الموتور و السحب قوى جدا و هو ده السبب اللى خلا حضراتكم توصلوا لسرعات ما كناش بنوصلها قبل كده
و طبعا لان العربيه ناعمه و ماسكه نفسها يعنى مش بتلؤ ولا ترجرج مع السرعات العاليه الواحد مش بيحس انه بيجرى
وانت لو جبت السرعه دى فى العربيات الاقل هتحس ان العربيه هتتفرتك وفيهل مليون صوت غلط وتخبيط شغال على ودنه و بالتالى هتخاف و توقف السرعه دى
اخيرا المفروض العربيه نازلا بجنوط عريضه طبعا عرفتو ليه اتشالت
لو تاخدوا بالكم المرسيدس و البى ام بتنزل بجنوط كام
ركب زيها و بعدين نحكم على الثبات
على فكره انا ماعنديش جنوط
و شايف ان لغايه 160 كويسه اوى
وذلك لان مافيش فى مصر طرق ينفع فيها الجرى غير العين السخنه
و اعتقد ان ده اكتر من كفايه بالنسبه للطرق بتاعتنا

مع الشكر

فعلا لحد 160 ممتاز جدا وانا برضه مش مركب جنوط بس ناوى ان شاء الله اركبها

رد: تقرير عن الالنترا بعد صيانه الالف كيلو

اقتباس:

المشاركة الأصلية كتبت بواسطة ESL NSR (المشاركة 135863)

ألف مبروك يا لول :260309~146: ... ربنا يرزقك خيرها ويكفيك شرها ...

بجد العربية دي أنا بموت فيها قلباً وقالباً ماعرفش ليه كده لله في لله ... في بيني وبينها كيميا مش طبيعية مع إني مش معايا العربية دي ،كنت هجيبها فعلاً بس المشكلة في الفلوس ماكملتش فهجيب أختها الصغيرة النيو أكسنت إن شاء الله ... فربنا يباركلك فيها ويحفظهالك ويحفظك من كل سوء ...
نصيحة أخوية بس خلي بالك من السرعات العالية عشان ربنا يسترها معاك ... وزي ما بقول وهكرر دايماً : على أرض الواقع وبالذات في شوارع مصرنا المحروسة No Need 4 Speed ... شوارعنا زي الزفت طبعاً مليانة حفر ونقر ومطبات فجائية وحاجات غريبة هتتعب العربية جامد بعد فترة ، وقبل كل ده علشانك إنت ولو ضامن نفسك فإنت مش ضامن الطريق ولا ضامن أي سواق غشيم حواليك ...

الله يبارك فيك ياصاحبى اختها برضه جميله وخطابها كتير قوى فعلا الاكسنت حلوه ونفسى حد من اصحابى يجيبها عشان نفسى اسوقها واجربها هههههه
لما تجيبها ادينى لفه بقى انت مش صاحبى ولا ايه؟ ولو عايز تجرب اختها الكبيره تحت امرك :HAPPY_~211:

رد: تقرير عن الالنترا بعد صيانه الالف كيلو

اقتباس:

المشاركة الأصلية كتبت بواسطة motez (المشاركة 135879)

هل لاحظت ان العربيه بتحك فى المطبات عند التحميل زى ما الناس بتقول ؟؟

ابدا والله عمرها ماحكت معايا ابدا مع ملاحظه ان بيركب معايا فى اجازاتى مراتى وحماتى والبنتين وساعات اصحابى

رد: تقرير عن الالنترا بعد صيانه الالف كيلو

اقتباس:

المشاركة الأصلية كتبت بواسطة بهاء العنانى (المشاركة 135886)

اخى الحبيب الف مبروك

ولكن لى سؤال فى صيانه الالف الاولى الم يكن هناك اى مشاكل فى مركز الصيانه فى الالف الاولى فى مكان المركز لانى كما اعلم انه لازم يكون فى ابورواش او قليوب ام انها مجرد اشاعات من موظف مش عارف شغله كويس ؟؟

هل اخدت ختم على كتاب الصيانه ؟؟

الله يبارك فيك يابهاء
بص ده موظف بيفتى طبعا اللى قالك كده انا رحت مركز غبور المعتمد فى شرم وقاموا بالواجب ولا حد فتح معايا سيره اول مره فى ابو رواش ولا قليوب غيرت 10000 كيلو للزيت وفلتر وتربيط والذى منه ببلاش والقصه كلها ب 255 جنيه + 20 جنيه للعمال ترويش وغسيل واللذى منه وختمولى الضمان وجابولى شاى كمان هناك ببلاش هههههههه

اتكل على الله فى اقرب مركز معتمد ليك واوعى تنسى تشرب الشاى

بالتوفيق يابهاء ومبروك مقدما