رد: اللى عنده النترا 2010 يفيدنا
ماتقولش كده يامان كفايه زوقك ميزه المنتدى هنا ان كل الناس اسره واحده
بص ياصاحبى انا فعلا طلع عينى عشان اللون البتنجانى كان وقت ماشتريت اتسحب كله من عند سمير ريان وحتى من عند غبور باشا الثانى عشر شفت عند سمير ريان 6 الوان من الفئه اللى عاوز اجيبها المانيوال كحلى ورمادى وفيرانى وشامبين(الذهبى) واسود ونبيتى(تقدر تقول احمر دم غزال) واختلفنا على اللون انا ومراتى وكنا هانطلق فخليت بناتى (نوران 7 سنين ومريم 6 سنين) هما اللى يختاروا لقيتهم جريوا على النبيتى وفتحوا الباب وقعدوا جوه قلت خلاص وجبتها بس تصدق طلع لون جميل حتى وهى عليها تراب حلوه اوعى تخللى معرض فور براذر ده يجبرك على عربيه ممكن يكون عايز يبيعها وفيها عيب السيراتو هايله انا سقتها كتير بس كمالياتها الكتير المبالغ فيها مغلياها عن الالنترا الاوبترا مجربتهاش بس مبحبش شكلها الالنترا انا لسه النهارده جايب بيها 190 ووالله ثابته وولا كانك ماشى على السرعه دى خالص مع انى لسه مركبتش الجنوط السبور هاديك نمره واحد عند سمير ريان محترم قوى وبيراعى ربنا وقولوا على موضوع البنك ده وهايحللك اى مشكله اسمه سمير عوض 0123618153 |
رد: اللى عنده النترا 2010 يفيدنا
ممكن سؤال كمالياتها ايه المانيوال اللى انت جايبها وليه احسن من السيراتو وليه اللنترا من غير جنوط
|
رد: اللى عنده النترا 2010 يفيدنا
بالنسة للكماليات كنت عايز اعرف موضوع وصلة usb عشان انا مش اخت وصلة usb هي الوصلة بتكون اساسي مع الكماليات ولا ايه وشكراااااااااا
|
رد: اللى عنده النترا 2010 يفيدنا
شكرا على الرد الجميل ياريت تخلى بالك من السرعه بلاش 190ربنا يكفيك خيرها ويحميك ويبعد عنك عيون الناس بالنسبه اختيارى لموضوع الالنترا احسن من السيراتو مع واحد صحبى كنا مشين على 80العربيه كانت بترقص من وره بقوله ايه يابنى فى ايه قولتله على فكره العفشه دى فيها حاجه قالى مش عارف انا مستغرب قولتله عليك وعلى التوكيل بصراحه العربيه دى شكل بس بالنسبه لرئيى انافعلا كنت خلاص على السيراتو بس صبحان الله حاجه كده قالتلى ابعد مع ان الناس كانو عند سمير ريان كلهم على السيراتو وكان صحبى معايه قالى خليك فى السيراتو قولتله لا النترا النترا مفيش جدال والله العربيه من الداخل روعه روعه ده من اول فئه السيراتو دخاتها اول فئه فقيره التبلوه ومن الداخل عاديه وبكام97000 ضمان وكيل العربيه فيها اكثر من فئه ياعنى اكثر من اشتغاله
|
رد: اللى عنده النترا 2010 يفيدنا
اقتباس:
المصاريف الادارية والتأمين دول فى حالة القسط فقط التامين بيبقى حسب شركة التأمين اللى المندوبين اللى هناك بيطلعو مصالح حلوة منها المصاريف الادارية : بتبقى بنسبة 1.5 % من مبلغ التمويل يعنى لو هاتقسط عربية بـ100000 ودفعت مقدم الربع 25% يعنى 25000 يبقة تضرب 75000 فى 1.5 % طبعا بما ان حضرتك متعرفش فهما هايوهمو سيادتك انك معمولك خصم واللى هايخصمو هايطلعو فى اى مصالح تانية يعنى شغل عاواء ومفيش خصم فعلى يابنى روح التوكيل عندهم قسط برده بس ناس دوغرى لانه بيحافظ على اسم مؤسسة لها كيان اقتصادى قوى مش هابوصوا لــ مصالح تأمين ولا حاجة |
الساعة الآن 05:49 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017