مصر موتورز مجتمع السيارات - عاوز اجنط ومش عارف عاوز رأيكم

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - عاوز اجنط ومش عارف عاوز رأيكم (https://www.masrmotors.com/vb/showthread.php?t=70531)

رد: عاوز اجنط ومش عارف عاوز رأيكم

اقتباس:

المشاركة الأصلية كتبت بواسطة sycho (المشاركة 538846)

شوف ياحبى انا معايا اكسنت 2010 جبت جنوط 15 تيلاندى وكوتش بريدجستون من التوكيل كان الجنط عامل 1800 + الكوتش عامل 1800 المهم العربية عند 120 الدركسيون بيترعش وحاجة زفت ولا كئنى راكب عربية زيزتافة روحت ارصص بعد كدا طلعت اجرب نفس المشكلة الدركسيون بيترعش بس قلت شوية روحت بعد كدا على بتاع الجنوط قالى يبقى كدا انتة عاوز رنجات عشان الرعشة تروح ركبلى رنجات بلاستك كدا لونها ابيض ولا عملت اى حاجة برضة العربية بتترعش روحت واخد بعضى ورايح على الحرفيين عند واحد بتاع استعدال جنوط وبيخرط رنجات مشهور هوة هناك عملى 4 رنجات ب 100 جنية والعربية بعد كدا بطلت ترعش بس فى برضة نسبة بسيطة موجودة يبقى لو حضرتك عاوز تركب جنط يكون اصلى oz or momo or BBS عشان تتجنب القرف الى انا شفتة مع عربيتى او الحل التانى ان حضرتك تروح تجيب طقم كوتش بريدجستون او ميشلان على الجنط الى عندك وشكرا على كدا وانا لا انصحك انك تكمل بالكوتش الى عندك لانئة مش كوتش كورى خلى اى حد يفكلك اى فردة واقرى من جوة حتلاقيها صينى ربنا يكرمة غبور بيغير الكوتش الكورى بصينى منة لله وانتة بتسافر كتير زى حلاتى يبقى مستحيل تسافر على كوتش صينى كل يوم حرام عليك نفسك دى نصيحة لوجة الله

والله كلامك مظبوط ومية مية وللعلم انا ناوى ان شاء الله على تغيير الكاوتش الجديد اجيب جنوط حديد اصلى يابانى 14 واجيب كاوتش واركب زى زمان مفيش احسن من الحديد او الجنط اللى بيجى مع العربية فبريكا

رد: عاوز اجنط ومش عارف عاوز رأيكم

انا فهمتك انتا عوز تركب جنوط اورجينال بدعت العربيه صح اسبور
مترحش توكيل غالي تعمل ايه تنزل الحرفين وهدهم استيراد اورجينال
لو في توكيل 7000 الف انتخ هحبهم من الخرفين استيراد2500 تقريبا

رد: عاوز اجنط ومش عارف عاوز رأيكم

اقتباس:

المشاركة الأصلية كتبت بواسطة كار كير فورميلا1 (المشاركة 539165)

:018A1D~146::018A1D~146:: 018A1D~146::018A1D~146:

رد: عاوز اجنط ومش عارف عاوز رأيكم

اقتباس:

المشاركة الأصلية كتبت بواسطة mohamedsalahelden (المشاركة 539143)

استفدت من تجربتك ومش عارف اقولك ايه اشكرك

متقولش حاجة ياحبيبى احنا كلنا هنا اخوات وقلبنا على بعض والى جرب حاجة ويعرف يفيد بيها الناس ياريت يقول وميتئخرش على اى حد هنا فى المنتدى والف شكر على ردك الجميل :fun_36_3_9[1]:

رد: عاوز اجنط ومش عارف عاوز رأيكم

اقتباس:

المشاركة الأصلية كتبت بواسطة memodina1 (المشاركة 539157)

بالظبط كدا يا نركب جنوط اصلى مركة معروفة يا منركبش سيبك بقى من التيلاندى والماليزى والصينى والكلام الى بيضحكوا بية على عقولنا واحنا بنفرح ان سعر الجنط رخيص ونجرى زى العبط نركب وللعلم الرعشة الى بتعملها الجنوط دى بتجيب اجل علبة الدركسيون وفى العربيات بتعتنا علبية الدركسيون مش بيقل سعرها عن 7000 جنية والتوكيل مش حيغيرها على حسابة عشان حضرتك ركبت جنط اى كلام والكلام دة من بوق المهندس احمد الى هوة قصير وعنية ملونة فى مركز ابو رواش الى بيكون ديما واقف عند باب الاستقبال اة واحب اقول حاجة كمان الكوتش ياجماعة بلاش حد يجيبة رخيص لائنة ببساطة فى انواع من الكوتش كانت كويسة زمان دلوقتى فى الباى باى بيكون فيها تعويجات بتخلى العربيات تعوم وانتة مش بتكون عارف اية السبب ان العربية بتعوم انا عن نفسى اى حد بعرفة مش بخلية يركب غير بريدجستون او مشلان ويجبهم من التوكيل بتعهم وعلى فكرة سعرهم ارخص من بتوع الكوتش بتاع الكوتش بياخد الكوتش من عند الوكيل ويزود فى سعره عليك انتة طيب وعلى اية مروح اجيبة من الوكيل بتاعة على طول ويركبهولى ويدينى ضمان مدى الحياة على الكوتش زى محصل معايا فى بريدجستون وياريت نقرى او نعرف تاريخ انتاج الكوتش بيكون مكتوب علية عشان منشتريش كوتش مخزون وللعلم كمان انا جربت النيتروجين والهبل دة وكل دة ضحك على الدقون ولا فارق اى حاجة كلة عبط فى عبط ماهوة الهواء الطبيى فية نيتروجين وعشان حضرتك تعمل الكوتش بتاعك نيتروجين لازم تروح لواحد عندة جهاز يشفط الهواء الى داخل الكوتش بالكامل وبعد كدا يكبس النيتروجين دى الطريقة الصح الى بتتعمل برة مصر لاكن هنا كلة فى الجلاش وربنا يكفينا ويكفيكم شر الطريق