رد: محمول فى سنه 1928 ...معقوله...!
يا جماعة التليفون ده موجود فعلاً من سنة 1927 و كان إسمه: ماركونى 1001 و تسبب فى إفلاس شركة ماركونى للإتصالات
و ذلك بسبب عيب صناعة فى سوكيت الشاحن لإن معظم غلايات البيوت فى ذلك الوقت كانت بدون بوز أصلة كان بيشحن بالبخار!....:shy: |
رد: محمول فى سنه 1928 ...معقوله...!
انا شوفت الفيديو ده قريب
بس كان خيالهم ساعتها اوسع شويه قالك ان التقنيه اللي كانت موجوده في الفتره دي لا تسمح باختراع المحمول .. دول مكانوش لسه اخترعوا الترنزستور اساسا طيب يبقى ازاي ( على اساس ان الصوره حقيقيه و السوت هانم ماسكه فعلا موبايل ) :crazyW14: قالك الحل السحري ..... السفر عبر الزمن يعني هو انا اقتنعت اساسا انها ماسكه موبايل و بترغي علشان اصدق انها مسافره عبر الزمن لأ وايه ... بتعمل مكالمه دولي ... للمستقبل :crazyW14: شكلها كانت ودنها مسدوده ومليانه شمع وبتسلكها ... علشان مكانوش لسه اخترعو ال cotton Swaps اللي بينضفوا بيه الودان بس هو حلو الخيال العلمي ... الوااااااااسع |
رد: محمول فى سنه 1928 ...معقوله...!
اقتباس:
<!-- google_ad_section_start --> عملو مؤتمر عن تاريخ الاتصالات في العالم كله طلع الفرنسي وقال احنا حفرنا برج ايفل ولقينا تحتية كابلات ارضية معنى كده ان احنا بقالنا ميت سنة بسنتخدم التليفون الأرضي .. الناس اللي قاعدة في المؤتمر قالوا عليه ده كداب بس هنعديهالك طلع الطلياني وقال احنا حفرنا تحت برج بيزا المائل لقينا في كابلات أرضية ومعنى ذلك ان احنا بقالنا ميتين سنة بنستخدم التليفون الأرضي .. الناس اللي في المؤتمر قالو وسعت شوية بس هنعديهالك طلع المصري ولسه هيتكلم كل الناس ضحكت عليه راح قايل احنا حفرنا تحت الهرم الناس كلها هاجت وماجت عليه وقالوله انتا كداب استنى المصرى لحد ما خلصوا كلام قال ملقيناش حاجة تحت الهرم الناس سكتت وقالو المصري مبيكدبش راح مكمل وقال وده معناه ان احنا بقالنا سبع تلاف سنة بسنتخدم الموبايلات |
رد: محمول فى سنه 1928 ...معقوله...!
اقتباس:
التطور تطور ، والمصرى حيفضل مصري.. احنا بتوع الموبايل والتكنولوجيا مش تقولى تليفون واسلاك |
رد: محمول فى سنه 1928 ...معقوله...!
اقتباس:
ونورت الموضوع ياباشا والله |
الساعة الآن 05:02 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017