رد: حادث سيارتى ال i10 مع الصور - أعمل إيه؟
 

شكراً ليكم جميعاً على ردودكم الرائعة وكانت مفيدة لية جداً.

واعذروا جهلى، عندى كام سؤال كمان:

1- يعنى إيه كارتيرة؟

2- ليه حتحتاج تترش، مش الإكصدام الجديد بيكون نفس لون العربية؟ ولا إيه إللى أنا مش فاهمه؟ (أنا عمرى ما رشتها، حتى لما كانت بتتخدش، علشان سعرها ما ينزلش يعنى لو حبيت أبيعها فى وقت ما)

3- لو حروح للتوكيل، مين أقرب حد لمدينة نصر ويكون عنده قطع الغيار والتركيب كمان؟

لو حد عنده رد لواحد من ال 3 أسئلة ده يا ريت يفيدنى بخبرته لحسن أنا مبتدئ أوي.

رد: حادث سيارتى ال i10 مع الصور - أعمل إيه؟
 

[QUOTE=أشرف الشفقى;815794]شكراً ليكم جميعاً على ردودكم الرائعة وكانت مفيدة لية جداً.

واعذروا جهلى، عندى كام سؤال كمان:

1- يعنى إيه كارتيرة؟
الجزء البلاستيك الطري اللي بيكون موجود فوق العجل علي شكل نصف دايرة وده بيمنع دخول المياه للماتور عشان ممكن لو مشيت في ميه في الشارع بدون كارتيرة المياه ممكن توصل للماتور

2- ليه حتحتاج تترش، مش الإكصدام الجديد بيكون نفس لون العربية؟ ولا إيه إللى أنا مش فاهمه؟ (أنا عمرى ما رشتها، حتى لما كانت بتتخدش، علشان سعرها ما ينزلش يعنى لو حبيت أبيعها فى وقت ما)
الاكصدام جديد بيكون لونه اسود لون البلاستيك اللي مصنوع منه وطبعا بيحتاج يترش بلون العربية
لو الاكصدام مرشوش مش بينزل في سعر العربية زي ما انت متخيل ده شيء طبيعي في مصر اللي ينزل في تمن العربية الصاج لو مرشوش او لو خابطة جامدة واصلة لاجزاء الماتور

3- لو حروح للتوكيل، مين أقرب حد لمدينة نصر ويكون عنده قطع الغيار والتركيب كمان؟

معنديش ادني فكرة ان شاء الله حد يفيدك

لو حد عنده رد لواحد من ال 3 أسئلة ده يا ريت يفيدنى بخبرته لحسن أنا مبتدئ أوي.

رد: حادث سيارتى ال i10 مع الصور - أعمل إيه؟
 

قدر الله ماشاء فعل
انت محتاج اكصدام كامل وكارتيره واستعدال الرفرف
وان شاء الله الشغل ده مايعيب العربيه
اعملها بره بلاش توكيل هتفرق فى السعر كتير
وممكن تدور عند بتوع الاستعمال يكون عندهم صدر عربيه نفس اللون تاخد منهم الاكصدام
وكده كده رش الاكصدام مش هيزعل العربيه

رد: حادث سيارتى ال i10 مع الصور - أعمل إيه؟
 

التوكيل من غير كلام

رد: حادث سيارتى ال i10 مع الصور - أعمل إيه؟
 

أولا ً قدر الله و ما شاء فعل
و حمد الله على سلامتك
ثانيا ً الخبطة دى بسيطة خالص
و لا توكيل ولا حاجة كل اللى انت محتاجه اكصدام ( مستعمل بلون العربية أو جديد و يترش بلون العربية ) و سمكرى نضيف هيركب لك كارتيرة شمال و يظبط لك الاكصدام و يستعدل الرفرف الشمال على البارد ،،،
و العربية حترجع خوااااااااااااااااجة
التوكيل غالى على الفاضى ده شغل بسييييييييط أى سمكرى ممكن يعمله
و الله المستعانسوقسوقسوقسوقسوقسو ق