رد: اتخنقت ومعدتش بتدور
 

أبقى صورلى شكل الحساس القديم برضه

عموما متشغلش نفسك حاليا بلمبة الأعطال ( لمبه check engine )

المهم الآداء ينظبط معاك كدواره وسحب أولا

وبعد كده

نتعامل مع قصة اللمبه من wiring system بتاع العربيه

رد: اتخنقت ومعدتش بتدور
 

ازيك ياهندسه

انا سافرت يوم الخميس والحمد لله العربيه كانت تمام سحب كويس ودارت من اول مره (كل دا حصل بعد مامسحت ال 14 عطل اللي كانوا متسجلبن علي الكمبيوتر مع العلم ان حساس air flow كان لسه معلم في الكمبيوتر)

المهم رحت اشتري الحساس دا ركبت وانا واقف عند الراجل بتاع 6 حساسات وكل مره لمبه ال check تطفي وافصل العربيه وادور تانى تقوم منوره ومش راضيه تطفي خالص لحد مالراجل زهق منى راح متصل بواحد صاحبه معاه نفس عربيتى وطبعا دا اضمن برهان وخرجلى الحساس من عربيته وركبهولى عندي وبالفعل اللمبه طفت وفضلت علي كدا بتاع اربع او خمس مرات افصل العربيه وادور تانى بس في الاخر نورت تانى راح الرجل قالى خد عربيتك وامشي من هنا كدا انا عملت اللي عليا


دلوقتى انا سافرت تانى انهارده ولسه واصل حالا السحب كويس بس الدوراه من تانى مره صباحا فقط وباقي اليوم من اول مره مفيش تنتيش ولا اى حاجه

فيه صح حاجه تانيه وانا عند الراجل قالى لو الحساس بايظ المكنه هتبرجل راح فاصل الفيشه خالص من الحساس والمكنه كانت عاديه خالص اكنها مش حاسه بالحساس خالص وشغاله علي default بتاع العربيه تقريبا كدا

رد: اتخنقت ومعدتش بتدور
 

طبعا ده حساس قياس كمية الهواء

وبهذا الشكل

وارد تكون عندك مشكله فنيه فى الفيشه أو الضفيره الخاصه بهذا الحساس

رد: اتخنقت ومعدتش بتدور
 

طب تمام كدا ممكن نكون حصرنا المشكله والمهم هنا بقي ان الفيشه سليمه (حسب كلام الكهربائي ) بالنسبه للضفيره حلها ايه بقي

وازاى العربيه كانت بتحس بالحساسات اللي كنت بجربها والدليل ان اللمبه كانت بتفصل وبترجع تنور تانى

معلش انا عارف انى تعبتك معايا بس انا دماغي هتتفرتك من كتر التفكير - التوكيل مش راضيين يدخلوها عندهم علشان العربيه استيراد وغبور بيه مانع ده

رد: اتخنقت ومعدتش بتدور
 

ماهو كده الحساس ده فاصل أشاره عن وحدة التحكم

ولازم تتبع أسلاكه من أول فيشته

لحد وحدة التحكم

أكيد هتلاقى فيه حاجه غلط

ولازم برضه تكون مطمن صح للفيشه

فممكن يكون عيب فى الفيشه برضه

والكهربائى مش عارف يحدده

لأن عيوب ترامل الفيش

بتبقى محتاجه مهاره كهربيه خاصه