رد: أنا والله تعبت وأبصم ليكم بالعشرة إنكم مظلومين
 

ممكن اوكتافيا a4 موديل 2005 او 2006

رد: أنا والله تعبت وأبصم ليكم بالعشرة إنكم مظلومين
 

طيب ممكن تجيب لوجان زيرو

ولو معاك قدره ماديه اكبر النترا وممش هتحسر كتير

اهلا بيك في مصر
شكرا

رد: أنا والله تعبت وأبصم ليكم بالعشرة إنكم مظلومين
 

لوجان مش أوتوماتيك

رد: أنا والله تعبت وأبصم ليكم بالعشرة إنكم مظلومين
 

أعتقد أنسب حاجة كسر الزيرو سواء فيرنا أو أكسنت إلخ ..
وهتلاقى عروض كويسة فى مواقع البيع على الانترنت

رد: أنا والله تعبت وأبصم ليكم بالعشرة إنكم مظلومين
 

مش هقول أهلا يا دكتور لإن واضح إنك إبن باللد بالمنشأ يعنى مصرى النشأة فتبقى مننا و علينا
ربنا يكرمك إن شاء الله و يوفقك فى دراستك و يحنن قلب المشرفين عليك
بالنسبة لطلبك حضرتك عايز
1. زيرو
2. أتوماتيك
3. ما بين 70 و 80 ألف
4. سهلة الصيانة و البيع و متخسرش كتير

و العربيات إللى تجتمع فيها كل المواصفات دى هى
الفيرنا اتوماتيك كاملة و سعرها 75 تقريبا
النيو أكسنت اتوماتيك و سعرها 83 تقريبا

يبقى حضرتك ممكن تحصر إختياراتك فى واحدة من الإتنين دول و تتكل على الله

أما بخصوص العفشة فهى جميع الأنظمة المتعلقة بالتحكم فى العجلات و الثبات و إتزان الهيكل
مثل
نظام المكابح (الفرامل)
نظام التعليق (السوست و المساعدين)
نظام نقل الحركة للعجل الأمامى ( الكبالن)
نظام التوجيه (الدريكسيون)

أما الطنابير فهو جمع طنبورة و هى جزء من نظام الفرامل (المكابح)
و هى الإسطوانة الرئيسية التى يتم تثبيت نظام الفرامل عليها و كذلك تكون همزة الوصل بين محور العجلات و العجلات نفسها
و تسمى بالإنجليزية Brake Disk

http://www.kwik-fit.com/assets/jpg/g...akes_large.jpg