رد: علبة دركسيون الجيتز
 

اتوقع ان الجزء التالف فى العلبة هو البيضة الداخلية اللى هى بداية التيش ودى بتتغير لوحدها
ولو العلبة نفسها فيها تخبيط ممكن يكون من الحشو عاوز يتربط علية شوية
العلبة بتبوظ مع العمر مش من الحوادث الا لو اتكسرت

رد: علبة دركسيون الجيتز
 

أشكر الجميع علي الرد و الأهتمام

هل بيض المقصات ممكن يعمل نفس المشكلة ؟؟؟

كنت عايز حد يرشحلي عفشجي كويس في الهرم أو أكتوبر

رد: علبة دركسيون الجيتز
 

بيض المقص يعمل خبطة وانت طالع على مطب نفس اعراض البطاحة بس البطاحة تعمل صوت وانت بتلف الدركسيون
جلب المقص تعمل دردرة وخبط خفيف فى الطرق المكسرة ولما تبوظ خالص العربية تحدف منك لما تشيل رجلك من على دواسة البنزين
بيضة الطرف تعمل صوت وانت بتلف العجل وانت طالع او نازل فى مطب
بيضة التيش الداخلية تعمل نقرزة فى الطريق اللى فية حب او زلط صغير وتسمع فى ايدك فى الطارة

انما علبة الدركسيون بتوبظ لما تجيب زيت او ان السنون بتعتها تبوش وبالتالى تعمل بوش فى الطارة