رد: هيونداى جيـتز
 

هى عربية جميلة جدااااااااا وكنت عاوز اشترى واحدة فهل تنفع الجيتز كعربية اولى يعنى اتعلم عليها وكدة
ياااااااااااااااااااااريت تجاوبونى باسرع ما يمكن
وبالمناسبة التقرير رائع
شكرا

رد: هيونداى جيـتز
 

نصيحة اول عربية تتعلم عليها السواقه تكون مستعمله و منتشره وقطع غيارها متوفرة و رخيصه 127 - 128 - اونو - لو عايز اعلا يبقى اكسيل او دوجان انشف شويه ......
اهرس فيها سنه لحد ما تتمكن من السواقه و بعدين هات اي عربيه زيرو تعجبك(أو كسر زيرو بإعتبار ان الجيتز تعتبر جديده نسبيا).....
هي بلدنا اساسا شوارعها تعبانه و السواقه وحشه وقطع غيار الزيرو غاليه جدا مهما كان نوع العربيه
ليا صديق نصحته نفس النصيحة وقلتله هات دوجان بس هو كان نفسه في الزيرو وجاب صني 2007 .... دلوقتي معندوش جنب سليم العربيه كلها خرابيش و تجاريح ..... تخيل العربيه مكملتش معاه سنة و معملتش 10000كم و نفسه اتسدت منها.
انا مش بافول ولا قصدي اسد نفسك عن الجيتز والمكتوب لازم يكون ..... انا شخصيا عندي 34 سنه والدي علمني السواقه من سن 14 يعني عشرين سنه و لسه السنه اللي فاتت العربيه اتعملت سندوتش على المحور وكانت زيرو ماكملتش 3 شهور ..... بس الحمد لله جت بسيطه المفروض كنت ارش الشنطه مرضتش و ردتها على البارد وطبعا باينه الخبطه بس نفسيا احسن من الرش بعد 3 شهور.
اكيد اي حد نفسه يفرح بأول عربيه ليه و الزيرو (او الجديد) له احساس تاني ( كفايه ريحة الفابريكه ) بس السواقه في مصر مش سهله ومش حتخسر حاجه لو جبت مستعمل شويه و بعدين غيرت...
ربنا يحفظ الجميع ويوفقك. واسف على الاطاله

رد: هيونداى جيـتز
 

اتفق مع سام سام في رأيه

الأفضل ليك تبتدي بعربية مستعمله

او ده اللي اعتادنا عليه

هوا بيني و بينك الخبطات و التجاريح مش بتفرق

حتي لو بقالك مية سنة

بس حتي نفسيا افضل

و كمان في اول السواقه ممكن تكون بتنقل غلط بتقرص عالعربية

ده غير ان العربية المستعملة بتتعلم فيها مبادئ الصيانة و التعامل مع الصنايعيه

رد: هيونداى جيـتز
 

http://www.masrmotors.com/vb/images/icons/b8.gif عندي سؤال, هل الهونداي جيتز تقفيل كوري ؟ ارجو افادتي

رد: هيونداى جيـتز
 

احب اقول لك للاسف الشديد ان التقرير ده بعيد كل البعد عن الجيتز اللي نازله في مصر ptmnlo123per144

مفيش في العربيه EPS ولا فيها مكان للنظاره وطبعا مفيش airbages

هيا فيها مميزات تانيه زي انها صغيره "تساعد في الغرز جدا "و في نفس الوقت سريعه جدا و التكييف بتاها ممتاز و ما بيأثرش علي سحب العربية ، عاليه علي المطبات ، ثابته بس في الملفات لو اخدتها علي السريع هتحدف شويه منك بس لو انت بتسوق كويس هتعرف تتحكم فيها.

انا شخصيا ما انصحش انك اول عربيه تركبها تكون "جيتز" ، العربيه بتسحب جامد و تحسسك ان الطريق ناعم اوي لازم تكون سواق كويس عشان تعرف تحافظ عليها ، بجد هيه ممكن تخليك تتغر و تحس انك شوماخر بنفسه :HAPPY_~211:

انا اتعلمت علي كيا برايد الاول بعد كده استمتعت مع الجيتز .

Love u my dear JeJe ptmnlo123per122