مصر موتورز مجتمع السيارات - الي كل من يريد شراء سيارة هيونداي نيو اكسنت

مصر موتورز مجتمع السيارات (https://www.masrmotors.com/vb/index.php)

- Hyundai Accent - نيواكسنت الجيل 3 (اهم الموضوعات) (https://www.masrmotors.com/vb/forumdisplay.php?f=133)

- - الي كل من يريد شراء سيارة هيونداي نيو اكسنت (https://www.masrmotors.com/vb/showthread.php?t=18782)

رد: الي كل من يريد شراء سيارة هيونداي نيو اكسنت

الف مبروك يا ابو يمنى ... إختيار موفق ان شاء الله
ربنا يديك خيرها و يكفيك شرها

رد: الي كل من يريد شراء سيارة هيونداي نيو اكسنت

الف شكررررر
بصراحة انت زودت اقتناعى بالعربية دية و العيوب دى هتفرق من شخص للتانى

اما بالنسبة للتنطيط اللى فى العربية , انا ركبتها كتيير مع اصحابى و كانت 2009
اللى ملاحظه ان التنطيط ده حسب المطبات او الشارع يعنى مش متلازمة مع العربية فى كل خطوة
والتنطيطة دى زى بالظبط التنطيطة اللى فى كرسى سوائق الاوتوبيس ( لو حد ركب الاوتوبيس و خد باله يعنى )

رد: الي كل من يريد شراء سيارة هيونداي نيو اكسنت

اقتباس:

المشاركة الأصلية كتبت بواسطة hazem_khidr (المشاركة 124006)

الف مبروك يا باشا
ربنا يديك خيرها يا ابو يمني و يحميك من شرها
يا ريت تقولي جبت لون ايه و ايه انطباعك عنها

الله يبارك فيك يا حازم باشا بص يا حازم انا كنت محتار بين اللون النبيتي والفضي بس لما شوفتة علي الواقع جالي احساس ان النبيتي بتاعها مجرب يعني مش زي الاسبرانزا كدة لمعتة مطفية فشوفت ان الفضي احسن وشكلة حلو في العربية وانطباعي الاول عن العربية وهو اهم حاجة فيها ان ماتورها جبار وميزت العربية ان شكلها ينفع شبابي وينفع للشغل يعني بتاعت جري وتنطيط وفي نفس الوقت شكلها وقور

رد: الي كل من يريد شراء سيارة هيونداي نيو اكسنت

اقتباس:

المشاركة الأصلية كتبت بواسطة sam ram (المشاركة 124046)

الف مبروك يا ابو يمنى ... إختيار موفق ان شاء الله
ربنا يديك خيرها و يكفيك شرها

الله يبارك فيك يا سام باشا وطبعا رأيك كان هو الفاصل في الموضوع عشان انت حبيبي وعرفتني الصح

رد: الي كل من يريد شراء سيارة هيونداي نيو اكسنت

الف الف مبروك يا ابو يمنى ربنا يهبك خيرها ويكفيك شرها ويقدرك على شكر النعمة يارب
اختيار اختيار عملى مدروس وموفق بإذن الله وتقييمك فى محلة مع اعتبار ان غبور بالنسبة لعربيات فوق رينج ال 90 ميزة لانه توكيل شعبى الى حد ما فمعنى كده انه عنده مراكز خدمة كتيره وعروض صيانة مجانية دورية وعروض خصومات على قطع الغيار ومراكز خدمة معتمدة اوفر من الوكيل نفسة ووو من مميزات التوكيلات الشعبية او اللى عندها سيارات منتشره وشبكة موزعين ومراكز خدمة كبيرة اعتقد ان غبور دلوقتى عنده اكبر شبكة مراكز خدمة فى مصر فعلاً
طبعا ديه ميزة مش موجودة فى توكيلات يابانى حتى كتير فضلا عن التوكيلات الاوربى
والميزة المستقبيلة للسيارات الكورى وتحديدا هيونداى كيا هى تشارك البلات فورم مع سيارات كتير
وبالتالى مع الوقت هتلاقى مكونات الموتور منتشرة جدا لانها بتمشى الانترا والجيتز والريو وكذا كذا ومكونات العفشة نفس الكلام والفتيسات والمواتير ككل متشابهه جدا والتباديل والتوافيق هتبقى سهلة جدا زى ما هو حاصل مع مجموعة فولكس التمانينات والتعيسنات دلوقتى
بس هى نقطة التفضيل للماركات التانية قصاد الكورى هى مواصفات الامان ومعامل البراند والتميز والاسم والتفاصيل اللى فى الغالب مش هتكون من الاوليات بالنسبة لمستهلك الفئة ديه اصلاً