رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

بص هو فى احتمالين
يا هما معملوش حاجة اساسا ............ و ممكن لو جت لك فرصة مع زميل لك او قريب معاه نفس الالنترا تجرب تقل الدركسيون
يا اما زيى ما بقول يكونوا زودوا عزم الربط على العلبة مخالفا للعزم الموصى به و ديى بقى ليها حل ظريف مع التوكيل ........ انك تروح لعفشجى شاطر و فى ناس خبرتهم احسن من التوكيل ......... هو مش حيلعب فى حاجة هو بس حتسمعه الصوت او توصفله الصوت و هو يكشف على العربية و يعرف السبب و لو كانت مقارنتك بعربية شبهها و طلعت عربيتك دركسيونها اتقل فعلا قوله هل ممكن يكونوا عملوا كدا ؟ و لو كانت العربيتين زيى بعض يبقى متقلقش و خليه بس يعرف سبب الصوت و تروحلهم التوكيل و تقولوهم على اللى فيها كدا وش

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

السلام عليكم
اشكر حضرتك على اهتمامك اولا
و اليك ما حدث ذهبت لعمل صيانه 40 الف......خلصوا الصيانه و قالوا علبه دركسيون رحت لهم تانى الجمعه النهارده علشان عايزين العربيه بدرى
و قالوا انهم غيروا العلبه
النتيجه لازال الصوت موجود و لا زال الدركسيون تقيل بعد ما مشيت ب 10 كم كنت متاكد تمام من ده انتظرت 40 كم كمان و كلمتهم قاللى احنا غيرنا العلبه....قلت انا عارف لكن العيبين موجودين قاللى مر على الثلاثاء القادم نشوفها تانى!!!!

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

معلش انا من خبرتى مع غبور فهو من اكثر التوكيلات حرصا على اصلاح العربية
بس برضه الخبرة تفرق
انا لو مكانك اروح زيى ما قولتلك لعفشجى مخضرم للكشف فقط
اصل ممكن يكون عيب الصوت مش من العلبة نفسها و عيب التقل يا من طريقة ربط العلبة يا من ماتور الباور نفسه او حاجة تانية فى منظومة التوجيه
و يا ريت لو جت فرصة تقارن التقل بعربية تانية
فمش حتخسر حاجة انك تاخد رأى العفشجى

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

خصم خاص من غبور
النترا كوبيه بخصم 23000

رد: تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق
 

هيونداى غبور:قصتى مع الالنترا MD
عربيه موديل 2012 عملت 60 الف كم اليوم
فى صيانه ال 40 الف غيروا علبه الدركسيون
فى صيانه ال 60 الف لا زالت الشكوى موجوده غيروا علبه الدركسيون بعد 2000 كم كمان لا زال الغيب موجود و اخر الضمان فغيروا علبه الدركسيون تانى مع ان التريد ان بتاعهم قال فى قطمه دركسيون فى العربيه و الميكانيكى بتاعى قال كده كمان
لكن العلبه ب 3000 و القطمه ب 14000 فطبعا يستهلكوا الضمان فى تغيير العلب و ما يغيرش القطمه
و لا حول و لا قوة الا بالله
**** إكمال القصه حولونى النهارده للدعم الفنى
خرج موظف الاستقبال ليقول بعد 4 ساعات العربيه خارج الضمان فسالته و انتم لما غيرتم علبه الدركسيون الاسبوع اللى فات و اللى قبله كانت جوه و لا بره الضمان
رجع بعد شويه يقوللى سورى الغربيه ما فيها حاجه احنا كنا بنتاكد بس من موضوع الضمان
معلهش كنا عايز اخدمك بس انت شايف الموضوع موش بايدى
يا جماعه انا باحذركم من غبور اوتو ......العربيه جابت قطمه بع 40 الف كيلو بس
ثمن القطمه 18 الف جنيه