العودة   مصر موتورز مجتمع السيارات > السيارات الكورية والماليزية > Hyundai هيونداى > Accent Verna RB اكسنت فيرنا > Hyundai Accent - فيرنا الجيل 2 (اهم الموضوعات)


إضافة رد
 
أدوات الموضوع
  #1  
قديم 21-06-2009, 02:18 PM
الصورة الرمزية AHMEDCAR
AHMEDCAR AHMEDCAR غير متواجد حالياً
من انا؟: انسان عادى
هواياتي: السيارات
 
تاريخ التسجيل: Sep 2008
الموقع: مدينه نصر
المشاركات: 2,505
AHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond reputeAHMEDCAR has a reputation beyond repute
افتراضي تقييم للفيرنا بعد 24 الف كيلو

ان شاء الله هاقدملكم تقرير عن الفيرنا بعد استخدام لمد 24 الف كيلو




التقرير ده حاولت اقارن العربيه بمثيلاتها سواء في الفئه او السعر



المحرك


و هو 1600 ثنائي الكامه DOHC 106 حصان

بيعطى قدره حصانيه (106 على 5800 r bm )

اقوي ما يميز العربيه و نقطه تميزها الرئيسيه عن منافسيها اللانوس و الاسبيرانزا a516
واعتقد انه الي اكسبها شهرتها و انتشارها ايضا " و خصوصا بين الشباب محبي السرعه "
لانه فعلا يعطيك اغراء غير طبيعي للجري و ثقه غير طبيعيه انك ممكن تتجاوز اي عربيه ولو لفتره من الوقت " ده بالنسبه للي بيحبو يقولو انهم سبقو بي ام و غيرها من الوحوش الكبيره الي تقريبا تمنها يساوي 6 او 7 عربيات فيرنا "
ولو ان السرعه خطر طبعا و رأيي انك قبل ماتفكر تسرع فكر ازاي هتوقفها لو حصل شئ مفاجئ و احتجت تقف انا شايف ان فرامل العربيه جيده جدا حتى 120 و ياسلام لو الواحد واخد حسه العربيه مع الفرامل عمره ما هايشتكى منها ابدا بعكس الاطفال اللى بيركبوها و بيجروا بيها و فى الاخر مش بيعرفوا يوقفوها لان معندهمش سينس للفرامل
و لكننا نعود و نقول ان الافضل " من وجهه نظري للسياره دي هو الموتور ال 1500 " هيكون اهدي عليها و مناسب لوزنها اكتر و مناسب لنظام الفرامل بها و هتكون سريعه برضه و مش زي الطلقه كده حتي مننساش ان لوحه العدادات الي بالفيرنا هي الخاصه ب 1500 لان الموتور ال 1600 سرعته القصوي تصل لحوالي 220 و بالبحث في المنتدي هتلاقو فيديوهات كتير لعربيات عدت ال 200 و المؤشر كمل لتحت !!!

صوت الموتور نفسه هادي و لكن يظهر صوته في الفيرنا لقله العزل الموجود بالكبوت و الدليل اركب الماتركس و الجتز و مش هتسمعه خالص مع انه نفس موتور لفيرنا

تأثير التكييف ممتاز و تاثيره على العربيه بسيط جدا بالمقارنه بعربيات تانيه كتير هو طبيعى انه بياثر على ادء العربيه لكن تقدر و انت مشغل التكييف انك تعمل كل اللى انت عاوزه بعكس عربيات تانيه بتحس انك راكب بطه

استهلاك البنزين حوالي 10 كيلو لكل لتر تقريبا بالتكييف و هي نسبه معقوله بالنسبه لعربيه 1600



الفتيس


وضعيته مريحه لليد و خصوصا لو العربيه فول اوبشن مع موجود مسند اليد




اول ماستلمت العربيه حسيت فيه بخشونه لكن بالتدريج بقي تمام جدا حبيت بس اذكر المعلومه دي علشان فيه ناس بتقلق من النقطه دي بعد ماتستلم العربيه
ملحوظه :العربيه تصل لاحسن اداء ليها علي 5000 كيلو يعني قبل كده ممكن تلاقي حاجات مش مظبطه او الاستهلاك عالي عن المعدل الي كاتبه او الصوت عالي متقلقش زي مالناس فعلا نصحتني و فعلا لقيته ان فعلا العربيه بتبقي حاجه تانيه خاااااااااااالص


نظام التعليق


هي ممكن تكون طريه شويه بس يعتمد عليها فعلا
و ده بسبب اعتمدها على نظام التعليق المنفصل لكل عجله فى الخلف المعروف ب ماكفريسون
العفشه فعلا من كلام اصدقاء كثيريين معهم السياره منذ فتره كبيروه و قطعوا بيها كيلو مترات عده يعتمد عليها بجداره

لكن ما يعيبنا هنا هو ان العربيه منخفضه و سهله الحك في اي مطب لو كان حد قاعد علي الكنبه و ده سببه الشكمان المصري المنتج بمصانع ابو اليزيد و الي منجحش من وجهه نظري يصمم شكمان كمثيله الكوري بحيث يكون صغير الحجم و بالتالي يقل الاحتكاك في المطبات (و ده بسبب ان عفشتها الخلفيه طريه جدا مما يسبب انخفاض السياره )
لكن برضه ولله الحمد الفيرنا مصفحه من اسفل فمتقلقش اوي من الاحتكاك مش هيضر بالعربيه
ارجحها في قوه العفشه عن اللانوس و اللاسبيرانزا
لكنها من حيث موضوع ارتفاعها عن الارض و الحك و حلافه الافضليه للانوس و الاسبيرانزا


الباور

هيدروليك متوسط النعومه يتيح لك التحكم بكفائه في السياره


الفرامل

هي لا تتتناسب مع الموتور ال 1600 و قوته الصراحه لكن ادائها معقول (لكن فى سرعات حتى 120 جيده و الاداء متميز فى الفرامل احسن من الانوس بكثير و يمكن ملاكها نفسهم اشتكوا منها كتير لكن بعد 120 سيئه )ياسلام لو الواحد واخد حسه العربيه مع الفرامل عمره ما هايشتكى منها ابدا بعكس الاطفال اللى بيركبوها و بيجروا بيها و فى الاخر مش بيعرفوا يوقفوها لان معندهمش سينس للفرامل




الثبات

بعكس مايقال عن السياره اري ان ثباتها معقووووووول جدا حتي 120 و بعد كده يأخد في الانخفاض و اعتقد انه بيبقي في الضياع بعد ال 150 بس
ممكن حد يقولي ايه الطريق الي يتمشي فيه علي اكتر من 120 في بلدنا و متلاقيش فيه نئره و لا مطب و لا حد بيعدي الشارع ادامك

المناوره بالعربيه و التحكم رائع حتي سرعه ال 100 و يأخد في الانخفاض بعد ذلك
و لازم نحط في الاعتبار ان دي سياره مدينه لا هي سياره طرق سريعه و لا سياره سباقات فمش مطلوب منها اكتر من كده و عامه الي عاوز يجري اكتر من كده يا يجنط و تأثير التجنيط حلو جدا مع الي جنطو خصوصا جنوط 15يا يركب عربيه اكبر


الابعاد


العربيه سهله القياده جدا و ابعادها واضحه الكبوت مرئي للسائق و كذلك الشنطه عامه ابعادها من السهل جدا جدا التعود عليها و مش هتاخد وقت فيها و اعتقد انها افضل من اللانوس و الاسبيرانزا في النقطه دي



الوسع الداخلي


في الامام مفيش مشاكل واسعه و وضعيه قياده مريحه الخلف يعبيها الضيق " مقارنه باللانوس و الاسبيرانزا" هي تشيل 3 اه بس مش هيكونو مرتاحين


المقاعد

مصريه و مش مريحه اوي لكنها تعطي وضعيه قياده جيده و بالطبع مزوده بامكانيه تعديل مستوي الظهر و مستوي بعد الكرسي عن عجله القياده ( لكن قعدتها اريح من الانوس و الاسبرنزا بشهاده من ملاك السياره نفسهم )



الشنطه
امكانيه فتح الشنطه و التانك من الداخل بالفول اوبشن

واسعه جدا اوسع من شنطه اللانوس " تشعر ان مصمم الفيرنا اهتم بالشنطه علي حساب الكنبه و مصمم اللانوس اهتم بالعكس "
يوجد ذراع فتح الشنطه من الداخل في الفول اوبشن و لايوجد في الهاف
و يمكن ثني الكنبه الخلفيه لتوسيع الشنطه
الاستبن و الكوريك في مكانهم المعتاد اسفل السجاده
التكييف
ممتاز جدا في تبريده
طبعا بكر مش تاتش بكل الخصائص العاديه دوره هواء مفتوح ام مغلقه بارد/ساخن الهواء للوجه او للوجه و الارجل و هكذا
التأثير علي السحب بسيط لقوه الموتور


الاضائه الداخليه

عدد مصباح واحد في منتصف السقف متوسطه القوه و غير مزود بمصابيح للقرائه في الهاف و مزود ه بها في الفول اوبشن


مساحه التخرين الداخليه




عدد 2 درج بالتابلوه و 3 بالهاف اوبشن اذا حسبنا مكان ساعه التابلوه مساحه تخرين
النظام الصوتي

الهاف اوبشن كاسيت شرايط ماركه رودستار متوسط الجوده
الفل ابشن سي دي رودستار متوسط الجوده ايضا
الكاسيتات دي طبعا مصريه التقفيل

السماعات انتاج شركه جولد ي تقريبا هي عامه مصريه و بصراحه غير جيده


العزل

متوسط الكفائه بالنسبه لعزل الطريق لكن صوت الموتور مسموع بوضوع لضعف عزل الموتور
الاطارات
اما اطارات نسر مصري
او لاسا تركي
و انصح بتغييرها
غير جيده
المشكلات التي واجهتني علي مدار سنتين من الاستخدام من يناير 2008


الطنابير اتغيرت فى الضمان

سوسته الشكمان و غيرتها ب 60 جنيه و مصنعيه 30 (باظت بسبب خبطه الشكمان فى الرصيف اثناء رجوعى للخلف
مميزات اضافيه
الفول اوبشن بتنزل بمفتاح ريموت و كمان نور الصالون لما بتغلق العربيه بالريموت بينطفى تدريجيا و دى بصراحه ميزه لذيذه

ايضا لو بليل و ركنت العربيه و النور شغال بمجرد ما انك تشيل المفتاح من الكونتاكت النور ينطفى تلقائيا و ايضا بمجرد ما تشيل المفتاح من الونتاكت كل ماهو شغال بالكهرباء ينغلق اتوماتكيا

امكانيه تعديل وضع عجله القياده موجوده فى الفول اوبشن ايضا

فتح الشنطه و التانك من الداخل برضو موجوده فى الفول اوبشن فقط

فتح الشنطه على الكنبه الخلفيه فى الفول اوبشن و دى بتدى مساحه تخزين رهيبه

__________________

®AHMEDCAR

سبحان الله و بحمده سبحان الله العظيم
اذكروا الله
اللهم اغفر للمسلمين و المسلمات و المؤمنين و المؤمنات الاحياء منهم و الاموات

التعديل الأخير تم بواسطة AHMEDCAR ; 21-06-2009 الساعة 02:29 PM
رد مع اقتباس
  #2  
قديم 21-06-2009, 02:37 PM
الصورة الرمزية Ahmed Anwer
Ahmed Anwer Ahmed Anwer غير متواجد حالياً
التخصص العملى: Interior designer
هواياتي: Arts
 
تاريخ التسجيل: May 2008
الموقع: Cairo
المشاركات: 2,730
Ahmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond repute
افتراضي رد: تقييم للفيرنا بعد 24 الف كيلو



شكرا يا أحمد باشا ،،،

دايما مواضيعك و ردودك عن الفيرنا شاملة و وافية

و كأن اللي بيقري جربها بنفسه

ربنا يخليك لينا و لكل الفيرناوية
__________________

رد مع اقتباس
  #3  
قديم 21-06-2009, 04:57 PM
BlackVerna BlackVerna غير متواجد حالياً
 
تاريخ التسجيل: Nov 2008
المشاركات: 61
BlackVerna has a reputation beyond reputeBlackVerna has a reputation beyond reputeBlackVerna has a reputation beyond reputeBlackVerna has a reputation beyond reputeBlackVerna has a reputation beyond reputeBlackVerna has a reputation beyond reputeBlackVerna has a reputation beyond reputeBlackVerna has a reputation beyond reputeBlackVerna has a reputation beyond reputeBlackVerna has a reputation beyond reputeBlackVerna has a reputation beyond repute
افتراضي رد: تقييم للفيرنا بعد 24 الف كيلو

ربنا يباركلك فيها و عقبال 240000000000

و فعلا الفيرنا عربية ممتازة ما شاء الله بشهادة اللى راكبها بغض النظر عن بعض عيوب التقفيل البسيطة

شكرا على التقييم الممتاز
رد مع اقتباس
  #4  
قديم 21-06-2009, 05:28 PM
sam ram sam ram غير متواجد حالياً
 
تاريخ التسجيل: Oct 2008
الموقع: 6 أكتوبر .... المحافظه مش الكوبري
المشاركات: 4,721
sam ram has a reputation beyond reputesam ram has a reputation beyond reputesam ram has a reputation beyond reputesam ram has a reputation beyond reputesam ram has a reputation beyond reputesam ram has a reputation beyond reputesam ram has a reputation beyond reputesam ram has a reputation beyond reputesam ram has a reputation beyond reputesam ram has a reputation beyond reputesam ram has a reputation beyond repute
افتراضي رد: تقييم للفيرنا بعد 24 الف كيلو

تسلم ايديك يا ابو حميد ...
تقرير هايل ...
ربنا يباركلك فيها ويحفظهالك و يحفظك ...
ويبعدك عن الاطفال اللي معندهمش سينس الفراملptmnlo123per1147
__________________

من تواضع لله رفعه
The ultimate car
would be designed by Italians
engineered by Germans
built by Japanese &
رد مع اقتباس
  #5  
قديم 21-06-2009, 05:44 PM
الصورة الرمزية حازم شاهين
حازم شاهين حازم شاهين غير متواجد حالياً

من انا؟: متسامح و حسن النية
التخصص العملى: محاسب
 
تاريخ التسجيل: May 2009
الموقع: بورسعيد
المشاركات: 3,739
حازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond reputeحازم شاهين has a reputation beyond repute
افتراضي رد: تقييم للفيرنا بعد 24 الف كيلو

طبعا الفيرنا هى العربية الشعبية الأولى فى مصر حاليا
يليها اللانوس بعد تراجعها نتيجه بيع دايو لجى إم
أما الإسبرانزا فالمستقبل هيكون ليها و خصوصا التيجو مش 516

لكن ليا ملاحظة إن كماليات 516 غير موجودة إلا فى الفيرنا فول أوبشن و يمكن الموجود منها أقل شوية
طبعا المعروف عن الصينى إنه بيبيع بالكماليات اللى فيه
رد مع اقتباس
إضافة رد

الكلمات الدليلية
عيوب سيارة, هيونداى فيرنا

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:18 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017