أرجو المساعدة "نوع البوجيهات" "مشكلة تبطيل العربية"

[dr_eslam_66]

السلام عليكم ورحمة الله وبركاته,
طبعا أنا عارف إني ماليش غير رجالة المنتدى وأعضائه الكرام الي دايما بينجدوني في الأزمات,
قبل ما أعرض المشكلة أحب أوضح بعض النقاط:
نوع العربية: BMW 330I 2001
إشتريت العربية مؤخرا بما لايزيد عن إسبوع.
غيرت سير مروحة التكييف بس المروحة كانت شغالة عادي ولاكن السير كان متهربد على الآخر.
الإستفسارات:
1- غيرت البوجيهات من نوع (BMW) أربعة شمعة إلى نوع (بوش) إتنين شمعة, طبعا دا بعد مشورة أحد الأصدقاء والي شاكك في صحتها إني البوجيهات الإتنين شمعة أوفر في استهلاك الوقود وقالي إني ماركة بوش وماركة بي إم الإتنين ألماني يبقى مالوش لازمة تدفع فرق سعر في شيء بيديلك نفس النتيجة, فهل رأيه دا صحيح؟, كمان أنا مش عارف أظبط خلوص البوجيه على كام ولا أصلا عارف الديفولت بتاع العربية يبقى كام ولاكن الي كان مكتوب على علبة البوجيه إنه 0.9 مم فا هل دا كويس كدة ولا إيه الكلام؟.
2- العربية بتبطل احيانا ومش دايما وفي ظروف مختلفة ياعني لما أكون طالع من ركنة وجايب R وأجيب D بعد كدة ساعات تبطل, ومرة بطلت مني وأنا ماشي على الهادي كدة سلانسيه في الزحمة ولما سألت الميكانيكي قالي دا حساس الهوا عايز يتغير وشاورلي على مكانه الي هوا ورا علبة فلتر الهوا على طول وهوا غالي على فكرة مش رخيص, وعلشان كدة أنا بسأل هل دا فعلا المشكلة ولا ممكن يكون فيه أسباب تانية وهوا بيستسهل وخلاص ولما أجيبه وتبطل مني تاني يقولي غير حاجة تانية "طبعا هما بيدفعوا حاجة من جيبهم", مشكلة التبطيل دي على فترات متباعدة ياعني مابتحصلشي مرتين في اليوم ومش شرط كل يوم ومش عارف أمسكلها على ظروف معينة بالظبط لاكن الي لاحظته إنها مرة حصلت معايا لما دورت العربية وكنت بزود مية في الراداتير وزودت بنزين علشان كنت باخد الهوا من دايرة المية ولما شيلت رجلي من البنزين فجأة الأر بي إم فضل يهدى لحد ما العربية بطلت, ودي المرة الوحيدة الي عرفت أربط موضوع التبطيل دا بحاجة بتحصل أو أنا بعملها.
3- حد يعرف إيه هيا "البوشات" دي بالظبط؟؟؟ لأني الميكانيكي وهوا بيجرب العربية قالي البوشات ضعيفة وعايزة تتغير ولما سألته إيه دي قالي دي بتخلي في صوت تكة كدة مع الفرامل وهزة كإني العربية بتمشي لقدام وقالي إنزل وشوف الفردة الي قدام هتلاقيها بتتحرك للخلف لما أدوس فرامل وفعلا كان مع كل دوسة فرامل العجلة بترد للخلف شيء بسيط, أنا بقى عايز أفهم إيه البوشات دي ووظيفتها إيه وإه الضرر منها وهل تغيرها ضروري قوي ولا إيه الكلام لأني طبعا أنا عمري ماسمعت عن حاجة بالإسم دا قبل كدة في أي عربية ركبتها قبل كدة لا ياباني ولا كوري.

[Hisham.Elgazzar]

سير مروحة التكييف ، كويس ان مروحة التكييف على سير علشان لما تشغله العربية ماتسخنش مع ان 90 % من العربيات المكيفة مروحتها كهرباء

[Hisham.Elgazzar]

البوجيهات الأربعة شمعة لو مظبوطة على 0.4 بالفيلر هتبقى تمام اوى

عمر ما البوجيهات يادكتور ما تزود إستهلاك البنزين غير فى حالتين :

انها سن قصير علشان بتأخر الكهرباء شوية عن المعتاد وبالتالى جزء من الوقود بيطلع نىء

تكون ملوثة او عمرها خلاص وبالتالى برضو تعلى الإستهلاك ،،،،،،، لكن


معظم ثقافات الأجانب دلوقتى انه يزود الشرارة جوا غرفة الحريق علشان تحرق المخلووووط كله للآخر


وبالتالى يقلل الإستهلاك وعمر أطول للموتور


مهو لما المخلوط مايتحرقش كويس بتراكم طبقات الكربون على غرف الحريق

ومع الوقت الموتور يفوت


لزلك لو لقيت عندك فى الإمارات بوجيهات 6 شمعة بلاتين
وحالة موتورك كويسة هاتهم ونتا مطمئن

لأن كده كده كمية البنزين اللى داخلة واحدة والبوجيهات ملهاش دعوة بزيادة الإستهلاك غير

تأثيرها المباشر على الإستهلاك لو ضعيفة او متهالكة

لكن لو مظبوطة تمام هتقلل الإستهلاك

[Hisham.Elgazzar]

حساس الهواء صعب جدا انه يبوظ إلا فى حالة تغيير فلتر الهواء بنوع رديى او قلة الصيانة

لكن رأيى انه ألمانى وصعب انه يكون عاوز يتغير


ممكن يكون محتاج تنظيف وصيانة مجموعة دخول الهواء للموتور وتنظيف الرشاشات

يعنى صيانة زى اللى بتتعمل فى التوكيل

[Hisham.Elgazzar]

إختبار كمان ممكن تعمله علشان تتأكد ان الحساس مهيس ولا لأ


ونتا ماشى بالعربية هتدوس بنزين نفس الدوسه وتثبت رجلك

لو مهيس هتلاقى العربية بتسرح معاك كأنك بتزود الدوسة


وطبعا لما تزود الدوسة برجلك فعلا هتلاقى سحب العربية ماأختلفش كتير وبعدين تبتدى تسحب بغباء ، لو سهيت هتلاقى الأر بى ام وصل للآخر والعربية هتفصل منك ع الغيار