مأساه عفشة النيو أكسنت

[dr.death]

السلام عليكم ورحمة الله وبركاته.

مأساتي مع عفشة العربية مالهاش حل خصوصا مع الطرق المكسرة بحس اني لو خدت نقرة ولا مطب حتي لو صغير العربية بتعاقبني بعفشتها المفترية وتدب فيا وفي ضهري وفي رقبتي وكل اللي راكبين معايا يبصولي كأني قتلتهم أقلهم ياجماعة مش أنا دي هية مش مصدقين... وده خلي معظم اصحابي انهم يقضو مشاويرنا بأي عربية تانية سواء كنا مسافرين او خارجين.

سؤالي: اللي عمل العفشة دي كان خريج مكيانيكا تريلات؟؟؟؟؟

لو حد كان بيعاني زي كدة ياريت يشاركني ونشوف ممكن نعمل ايه في المشكلة دي

[MOTOR HEAD]

العفشه ناشفه لكن مش للدرجه ديه

حاول بس تمشى فى الطرق المكسره بسرعه ابطأ

[sergeant]

ممكن حضرتك تكشف على المسعدين عن عفشجي لان موضوع ان العفشه نشفه عندك كده دا مش طبيعي وشوف ضغط الكوتش على كام

[elmo7areb]

هي مشكلتها انها بتتنطط من ورا بس لكن انا العفشة عندي جميلة وحاسس انها احسن من عربيات كتير حاول تربط عفشة كويس وتشوف المساعدين

[dr.death]

ياجماعة المشكلة دي من ساعة ما اشتريت العربية ... العفشة ناشفة العربية بتهبد وترزع في النقر والمطبات هي موديل 2011 معرفش بقي لو كانو غيرو فيها حاجة بس لاء هيا مافيهاش عيب لاني سوقت كذا عربية موديل 2011 نيو اكسنت زيها بالظبط والكاوتش علطول بخليه علي 30 زي الكاتالوج ماكاتب