#1
|
|||
|
|||
وش السلندر .. كهربه مميتة من سلك البوجيهات رقم 2
السلام عليكم اعضاء المنتدي الكرام ....
تحيه طيبه لكل الاعضاء المشكله ليست كبيرة ولكن لابد من طرحها للافاده والاستفاده من كم يوم عربيتي (دايو لانوس 99 اتوماتيك ) مسكت حراره .. وقفت علي الطريق وانتظرت قليلا وقمت بتزوديها مياه ومشيت بعد كده وعليت الحراره تاني .. افتح الكبوت الاقي غطا القربه بيبخ ميه وكل اما الميه تفور يضخ ميه تاني والحراره تنزل شويه وبعدين تعلا ويضخ تاني وتاني وتاني طبعا الغلطه اللي عملتها اني عبيت ميه والعربيه كانت سخنه مولعه .. والميكانيكي قال انها جابت وش سلندر .. وميكانيكي تاني قالي فيها جوان ....وقد كان اهم سؤال سألته للميكانيكي .. ايه سبب الحراره؟ .... بعد اما فتح بطن العربيه جاب الترموستات وسخنها في ميه وقالي دي السبب لانها مش بتفتح .. الصدا خلاها تقفش الخلاصة : اضطررنا نخرط الوش .. ونغير الجوان .. وطبعا البلوف اتغيرت لانها قفشت والبوجيهات اتغيرت الخ الخ الخ.. العربيه رجعت احلا من الاول وكل شئ تمام الميكانيكي قالي لازم نغير ميه دوره التبريد ونحط ميه خضرا .. قلت سهله هعملها بنفسي وعملت الشرح اللي موجود لاحد الاعضاء الكرام هنا .. وغيرت الميه وكل شئ تمام خليت العربيه شغاله .. وقلت اشوف سلوك البوجيهات .. وهوا الكارثه خلعت السلك رقم 4 من ناحيه اليمين اللي هوا رقم 2 في الموبينة .. وحصل اني اتكهربت كهربا مميتة .. اتشديت شده صعبه جدا جدا جدا جدا .. بعد اما فقت من الصدمه .. طفيت العربية ورجعت السلك مكانه تاني .. وشغلت العربيه .. وكل شئ تمام قلت اعرف سبب تسريب الكهربا من السلك .. جبت مفك تيست وجيت المسه في المطاط بتاع سلك البوجيه رقم 4 ( وهوا راكب والعربيه دايرة ).. لقيته كهربني تاني ( رغم اني ماسك مفك التيست من ناحيه البلاستيك ) كهربا صعبه يا رجاله والله .. ربنا ما يوريكم ... ( السؤالين المهمين : ما سبب الكهربا المميته دي .. هل شرخ في المطاط بتاع سلك البوجيه ده.. رغم اني خلعته وفحصته ملقتش حاجه ؟؟؟؟ ما سبب ان العربيه جابت وش سلندر .. هل الترموستات ؟ ام لاني وضعت مياه علي العربيه وهيا مولعه ؟؟؟؟ وليه الغطا كان بيبخ ميه كل شويه ؟؟ واهم شئ ايه الحل في الكابل المميت ده .. للعلم اني قبل كده كنت بشيل سلوك البوجيهات والعربيه دايره وكنت بشوف شراره البوجيهات عادي جدا .. ومحصلش قبل كده اني اتكهربت .. والله انا اترعبت من الموضوع ده وبقيت خايف حتي افتح الكبوت ههههههه ما راي الجميع في ما حدث ؟؟ |
#2
|
|||
|
|||
رد: وش السلندر .. كهربه مميتة من سلك البوجيهات رقم 2
اخى الكهرباء تساوى 12 الف فولت لان الموبينة تقوم برفع الكهرباء من 12 فولت الى 12000 فولت ولكنها نبضات وليست مستمرة فهى ليست مميتة ولكنها قوية جدا
واكيد جدا ان السلك به شرخ او قطع صغير فلا تحاول ان تمسك هذا السلك مرة اخرة وانت فاتح كونتاك حتى لو السيارة مش دايرة تقبل مرورى
__________________
كمال معروف ان الله لا يغير ما بقوم حتى يغيروا ما بانفسهم |
#3
|
|||
|
|||
رد: وش السلندر .. كهربه مميتة من سلك البوجيهات رقم 2
الله ينور عليك يا كيمو ... عجبني ردك جدا جدا .. وريحت قلبي .. بس انا فحصت السلك كويس لقيت انه سليم؟؟؟ معرفش السبب ايه هل في ميه واصله للسلك ده بسبب ان وش السلندر كان أفع معايا؟؟؟ |
#4
|
|||
|
|||
رد: وش السلندر .. كهربه مميتة من سلك البوجيهات رقم 2
انت من دمياط ولا تشابه اسماء
|
#5
|
||||
|
||||
رد: وش السلندر .. كهربه مميتة من سلك البوجيهات رقم 2
اعتقد ان عدم اغلاق غطاء قربة المياه بشكل جيد ممكن يسخن العربية بس هل لدرجة ان هى تضرب جوان وش سلندر ؟بصراحة مش عارف بس اعتقد نعم
|
أدوات الموضوع | |
|
|